اليوم يبكي الم فرقاك

        اهل المسيجيد واهل الخيف

وصفوف اشجيتها تنعاك

            في زيد نقلات  تروي  الكيف

وكل المعاني التي تنصاك

            اليوم فيها حزن ماشيف

ياجار عهداً علي منساك

         مهما تتالا الشتا والصيف

واطلب لك مسخر الأفلاك

             يأويك بالخلد عنده ضيف

ارجوك ياربنا  رحماك      

     للجار  في يوم حشر مخيف

ابواصيل✍

——-

من أمس حتى نهار اليوم

      غيوم و الخير كونتينيو

يا ربي ديمه علينا دوم

      حتى نهاية شهر يونيو

عبدالله بن تركي

الجبيل الصناعيه

1-

يازين ذا جوكم ويدوم

             وحنا هنا جونا منيو

تختار جوك وان النوم

            ولانمت ايقالك سيو

ابو اصيل ✍

2-

الجو مقري قبل الصوم

                       لاشك ذا جو ريفنيو

والخرشي فديارنا ايحوم

                       اكيد يخلص قبل يليو

ابو اصيل ✍

يهناك جو ومطر وغيوم

واحنا ترى  أُبزت  أف يو

وحنا يجي قسمنا المقسوم

ونكون  ذا سَيم سيناريو

أبوهاني الأحمدي

إخواني الأفاضل

السلام عليكم و رحمة الله و بركاته و أسعد الله أوقاتكم بكل خير

عندي موضوع أشغلني البارح و أبغى رأيكم فيه لأنكم رجال و الرجال جمال و أهل رأي و مشوره 

البارح أشوفني جالس تحت سدره ( متكي لحالي تحت سدره .. في ظلها الجو غريافي ) .. في وادي له يومين ممطور  و تراه ما هووادي العشرق .. تعدى من عندي طيف و رمقني بلدّه و معها سهم ذباح

قلت له :-

يا ناعس الطرف ليش تلد

        خلاص ما عاد يمديني

في مهجة القلب ساكن ود

       عن شوفة الغير مغنيني

قال لي و كمان شاعر

قلت :-

    من شبتي أعشق الكسره

         و أعشق معاها نغم دانه

قال :-

     أنا سمعت الذي قلته

         و إنت إسمع اللي انا باقول

قلت هات:-  

قال:-

      كلك وفا و الوفا ينعد

           عند الرجال المياميني

       من راس جاك الهوى يا عد

           مثلك مسيّر يكفيني

المهم يوم قالت الغصن الأخير و أنا  أقوم أتمقرص و تلعثمت ما قدرت أرد .. وقتها فزيت من نومي و بعدها ما قدرت أنام

و الآن يا ربعي أبغى مساعدتكم بالرد على الطيف الشاعر شعراً و الناثر نثراً

أخاف يعاودني الطيف الليله و أنا ماني مستعد له

تكفون يا الربع

لاجاك طيف الهواء لاتصد

                خاوه بكل المياديني

اجمل موده لكانت جد

                 سير ولا تترك الزيني

ابو اصيل ✍

اعتقد ان حلمك   تفسيره  

من وجهة نظري

......

ان كان تبقى الكلام الجد

ذا علم تخفيه ويبيني

العرض مغري لاتتردد

لاصار ماخالف الديني

أبوهاني الأحمدي

الغالي ابو تركي

انكان حلمك صحيح وجد

وتصبر على العسر والليني

كب المسيّر وعطه الصد

واقدم في ركب الشجيعيني

💐🌹💐🌹

ابو طلال

————

شوف التباسي وش تسوي
خلت قروبك بلا فاقة
حتى الذي كان متقوي 
ساكت وروح على الساقة

ابو مروان الأديب عبد الرحيم قابل الأحمدي

الوضع   غامض  ومتلوي
وصحون فالعرض منساقه

تصحيح للو ضع يامضوي
كثر الشبع خفف  الطاقه

ابو اصيل ✍ ماجد فالح الاحمدي

توي قريت الخبر توي

واغطي البيت برواقه

كثرت صورهم وش نسوي

بالعين ماتحصل ذواقه

!!
ابوهاني  محمد سعيد ضويعن الأحمدي
           ——————

اكوي وزيد الكوي ولوي
وارفقله الورد في  باقه

يمكن مع  الزهر  ينوي
يبقيلنا   شوي    ترياقه

ابو اصيل ✍

إن كان جارك زمانك عي

قدِّم لهم الزمن باقه

لاتقول ياركبتي ويدي

بالضعف لاتبني علاقه

أبوهاني الأحمدي


صوتك طرب نسمعه ياخي
ونوازن   اقلوب   تواقه

الصاحب الي فوجهك حي
المسله  العذر   لاساقه

ابو اصيل ✍

سمعت قولة حدي مدي

والمزن يلعج ببراقه

لعله الوبل ما يبطي

الأحمدي زادت اشواقه

أبوهاني الأحمدي


اضعف لا شفتك ناوي شي
اخاف   اسهوم   صراقه

انته جبل فالسما مضوي
ابحور  فالشعر  منصاقه

ابو اصيل ✍

تسلم يابو اصيل  وهذي لك تقفيلة الحوار مني

مازيد عن شاربك ياخي

يا ذوق  مشهور باخلاقه

حر فك طرب ودي اغني

والصوت مايسد للفاقه

ابوهاني الاحمدي

👍👍🌺🌺👑

لا تلومني ياشبيه الضي
مأسور فالطيب بحباله

حبل الموده يصيده غي
والطيب يبقي علي حاله


ابو اصيل ✍

———

باقه من الساحل الشرقي

          يفوح منها عبير الفل

لأحباب في شطها الغربي

      ما تخص واحد تعم الكل

عبدالله بن تركي

       الجبيل

يامرحبا   بصانع    الفرقي

هندسلنا قروب منه انطل

يالله عسي  فالكم   يرقي

بأفراح  تسعدبها   وتهل

ابو اصيل ✍

———

شهر الفرج  هلت  انواره

شهر المغانم مع الغفران

ياالله  يا عالم   اسراره

تكتبلنا الفوز والرضوان

ابو اصيل ✍