الم الحوادث 
     

      امِ بكت تنعي ولدها من العام ======= اسبابها حادث تسبب عماها 

    يمشي ولدها الصبح وتعيش في احلام ====== عساه يرجع تحتفي به عساها 
   
    جاها خبر في الليل والناس في نيام ===== من شد ته ياناس خارت قواها 
    
    تبددت فاحلامها صارت اوهام ====== من حادثِ ياناس ربي بلاها  

   ياكم ياما مثلها عاش في زيام ====== ياكم امِ فاقدة من ضناها 

  مكسور هدا وداك مشلول ماقام ===== من كثرهم  كل المشافي ملاها 

  وادوار مليانه مساكين وايتام ====== من سرعةِ والا بغفوه غفاها 

  شوف الورش اصبح بها شغل وزحام ===== تصلح بلاوي عقبتها وراها 

 هدي حقايق ثابتاتِ بالارقام ======== ماهي حكاية واحدِ  هو حكاها  

 ياناس هدا السير له شرع ونظام ======== وكلِ يطبقها ادا ماقراها 

 لا جيت ماشي شد في صدرك حزام ======= والا القسيمه جاهزه لك تراها 

حطوا لهم ساهر على الدرب ماينام ======= قاموا على اللوحه وحطوا غطاها

  مني نصيحه يارجاجيل ياحشام ======== المشكلة تكفون نبغى نحواها 

  نبغى شباب اليوم يبني لقدام ====== يبني صروح المجد يرفع بناها 

  وصلو على المختار ماخطت اقلام ====== نبينا اللي للخلايق هداها