الشماسي ...{

طلال نبغى الجديد يجد *** جدٍ على جـِد نبغى قاف
عطنى صفا من غزير العِـد*** واعطيك من عذبنا الشفاف 
بي جرح كل مانسيته رد *** مخفيه من داخلي ما طاف 
ماهو هوى من شرارة ود *** ولا مس واشكيه للعراف

أبو ناجي ...{
يامرحبا يا أصيل الجَد *** ترحيب في غاية الإلطاف 
في القيل مثلك لنا ينعد *** يا راعي الطيب والإنصاف 
لا تقول جرحي عليا شد *** <ياليت مافي القلوب يشاف>
جرح الخفا مالقي له ضد *** غير الصبر والصبر ينعاف

الشماسي...{
جاني ردودك عبير وورد*** يسبق نسيم الهواء الهفهاف 
لكن مافدتني بالرد *** والصبر عملة بلا صراف

أبو ناجي ...{
يا مرحبا من صديقٍ مود *** راع الوفا صاحب الميقاف 
من طيبك الطيب ماله حد *** وإحنا مع الطيبين وقاف