 |
| الشاعر الخلوق محمد صالح محمد الرتوعي |
سجن السعاده بوسط البيت
مع اهلك تكون واولادك
تدعي لهم كل ماصليت
وتعيش وتشوف احفادك
#الرتوعي
------
(منبع الايمان )
هذا الوطن منبع الايمان
وقبلة الانس والجاني
وهذا الوطن راسخ الاركان
اسس على خير الادياني
اسس حدوده بطل شيهان
عبدالعزيز الذي باني
وسعود بعده رفع بنيان
ثاني حرم وسعه ثاني
وفيصل تولى بفكره كان
يقارع الخصم ويفاني
وخالد كرم جاوز البلدان
مع الكرم طيب واحساني
وللعلم رايد فهد عنوان
ولاحد من الجهل بيعاني
وعبدالله اعطى وكله احسان
ذكره علا كل الاوطاني
واليوم هذا حزم سلمان
عدوهم دوم منهاني
و محمد اللي بفعله بان
درع الوطن شبل سلماني
ودون الوطن نشعل النيران
بكل غازي وعدواني
ويحفظ وطنا مدى الازمان
ونعيش في خير واماني
الرتوعي
-----
#الواسطة ديرتي محلاك
منساك لوغبت حوليه
ديرة هلي ديرتي بهواك
فخر الديار السعوديه
#الرتوعي
------
((وصايا))
ياهاجسي عطني معك جل الافكار
انظم بها ابيات جزله رصينه
مرصعه ومدونة باحبار
تلقى بها كل المعاني ثمينه
واسمع وصايا بها افكار وآثار
في وقت ماضي عشنا سنينه
الزم طريق الحق في صحبة اخيار
سباقة للخير هقوه رزينه
وصلي صلاتك ولوالدينك بار
ولاخوانك سند الكل لازم تعينه
وحفظ حقوق الجار سر وجهار
هذا وحي قد قاله امينه
والضيف يكرم وله مقدار
راع الكرم ربي عوينه
واكسب رفيقك ابجيته سار
للحمل شيال مثل السفينه
واحذر حماقة عجل محتار
الصمت حكمه فيه السكينه
وحذر غدر حاسد مكار
فيه الردى فعله يشينه
واطلب العلم ساير الأقطار
العلم غايه و تركه غبينه
هذي وصايا مرسلة لاحرار
لوجيه سفره حسينه
و ختامها صلوا على صاحب الغار
من حبه الجذع سمعوا حنينه
الرتوعي
------
احوال الناس )
عطني معك يا شعر طاروق
اطلب وانا اعطيك من مالي
باسلي النفس لجل تروق
وتحكي عن ايام احوالي
بالامس عشنا بفن وذوق
نلعق عسل نشربه حالي
واليوم هم عليناطوق
في امر ماغاب عن بالي
ناس تزيدك محبه و شوق
وناس تعوفك بالغالي
واللي تمني بيطلع فوق
ماهمه السلم العالي
واللي بيصبر لجاه العوق
تلقاه مع طيب الفالي
وكله معاني وباله روق
لوشد وسط الخلا الخالي
يبغى يسوق المعاني سوق
وجه الكرم فيه بيلالي
تشرب بيده حليب النوق
ويجلس معك بافخر جلالي
مايعرف الغدر واللى البوق
بيخاف من ربه الوالي
الرتوعي
-----
نصيحة مشفق )
سلام يابادع القيفان
ابدع لنا الشعر اعطينا
نسمع نحرك معك اشجان
ونطلب من الرب يهدينا
نبغى نذكر معك غفلان
لاهي عن الدين ياخينا
ونقول تذكروا خلان
بالامس معنا في وادينا
واليوم تاكلهم الديدان
في برزخ القبر تسكينا
مامعهم اللى عمل ماكان
عساه بالخير ياتينا
وهذي فرصه معك يافلان
ترجع على الحق ذالحينا
اتوب و تكثر الغفران
وتقول يارب مسكينا
عبدك رجعلك ترى ندمان
عن فعل ماكان في سنينا
ووصيك ياصاحبي الان
احرص على الدين تطمينا
خلك برفقة كرم منان
وابعد عن اردى درب غاوينا
ومادام صحه معك في ابدان
اسباب هاذي لك تعينا
وختامها صلوا على سيد الاكوان
اللي على الخير هادينا
الرتوعي
------
اليوم هذا رفع دعواه
محروم من شوفة احبابه
يرفع على مين في بلواه
وخصمه الطب ماجابه
ولازال صابر على ماجاه
في امر محتاريااصحابه
واعتمد في امره على مولاه
هوالذي يفتح ابوابه
لكل من بالدعى ينصاه
ومخاب ياناس طلابه
ولبيك امر الملك طعناه
والخير مكتوب في خطابه
#الرتوعي
-------
مافادها العبن لوشافت
مافادها غير حصد ذنوب
غير الأسى الحزن ماذاقت
اكيد لازم عليها توب
#الرتوعي
-------
العين لامنٔها شافت
تحرٔك القلب بالإشجان
والنفس لامنٔها عافت
تركت غلاها مهما كان
#الرتوعي
-------
مقسىّ قلوب البشر ياناس
احداث ماأثرت فيها
قلوب ميته بلا احساس
شيطان ياناس مغويها
مدري جهل واللى حسد جساس
ولا حقد ناس مطغيها
باوصيك ياصاحب النبراس
لاتحاسب الناس مافيها
طنّش ولاتكن حساس
ادْمَح الزله لزماً تعديها
دنيا ماتسوا ورق قرطاس
مافاز من كان مغليها
#الرتوعي
--------
#الدين –ماهو ترى عِمََّه
ولا بشت يلبس على الأكتاف
الدين قرٱن مع سِنَّه
ماشي على الحق فيه يشاف
#الرتوعي
--------
#امضيت عمري معه وافي
واقف معه فالقسا واللين
ولازلت ثابت بميقافي
عسى اتجمل وربي يعين
#الرتوعي
-------
سلام من قلب بيودك
ينفث عطر بالورود يفوح
ياطيب الاصل من قدك
انته بقلبي محيث اروح
#الرتوعي
ليست هناك تعليقات:
إرسال تعليق