قصيدة رثاء في الشيخ علي بن عبد العزيز المحمدي أبو خالد رحمه الله بواسع رحمته وأدخله فسيح جناته

المجلس اللي للرجاجيل مدهال 
فيه الكرم والجود والطيب عنوان 

قصة رواها ذكرها يشرح البال 
يروي حكاية عاشها طول الأزمان 

ياما لفونا من رجاجيل عقّال
فا المجلس اللي للمسايير ميدان

والبن الأشقر والمحاميس ودلال 
وصحون فيها من ثقيلات الاوزان

من بعدها تبدا القصايد والامثال
مع واحدٍ للقاف معروف ربّان 

قالوا تعرفه قلت والنّعم رجّال
زيد من قبلي شهد له فالالحان 

جاه القدر بالامس والدمع همّال 
كنّه هذاك السيل من ضلع ورقان 

مالوم من يبكيه في كل الاحوال 
حتى الشعر يبكيه يبكيه رحقان 

قال المثل ما مات من عقّب رجال 
والابنيخي فالمواقف لهم شان 

مواقفه فالشعر دايم على البال 
احمد نديده والقريشي وديبان 

وشاعرٍ للرِّيف يا ما لنا قال 
ليت شعره يطبعونه في ديوان

وانا بصمت الخمس وازيد الاقوال
شاعر علم للشعر معروف ميزان

يبقى مدى التاريخ قدوة للاجيال 
حتى الخلايق يحفظونه فا الاذهان

عسى جنان الخلد للشيخ منزال 
وينزل على قبره من الغيث هتّان 

وصلوا على المختار والصحب والآل 
ما غرد القمري على غصن الالبان 


تحياتي 
أبو ناجي