١-الطيب مبدآ للرجال النواجيب•
وتكرم لحاهم عن دروب الهماجه•
حذراك من صحبة كثير العذاريب•
اللي طفى من شين فكره سراجه•
وابعد عن الحاقد خبيث المطاليب•
اللي مع الايام بان انعواجه•
والجاحد ولوهو ملآ راسه الشيب•
اللي تساوى بالفكر مع نعاجه•
ماله دواء من دون شكٍ ولا ريب•
اللي تعود على الردا والسماجه•
بالوجه يبدي لك كثير التراحيب•
وبالكذب والغيبة يفلّل حجاجه•
واحذر من اللي بالحسد سهمه ايصيب•
هذا على ماقيل فاقد علاجه•
وابعد عن اللي لا لفته المواجيب•
قام وتعذّر لك على ادنات حاجه•
من لا يجيلك في شبابه كما الذيب•
يعيش مهما طال عمره دجاجه•
جميل النوايا.......
( ناصربن مصلح الاحمدي)
ابومشاري
——————-
٢-من لالبس ثوب الحياء والمروّات•
باللبس مستور وبالاخلاق عاري•
ومن لاصبر وقت الظروف الصعيبات•
ما ينفعه في عاصف الوقت ذاري•
راع الوفا حيٍ ولو بالجسد مات•
يبقى بصيته كل نشمي يماري•
واللي حفظ دينه وأدّآ العبادات•
يبقى على هامات الامجاد ضاري•
(ناصربن مصلح الاحمدي)
ابومشاري
مجارآه.....من الشاعر القدير مرزوق عطالله الصبحي
ابدعت ياناصربنظم الجزيلات
من صم رأسك قدح ماهي عواري
مرهي على طرح السمان المذيرات
من بعد عن صفق الهواء والذواري
ماهي غريبه من رجال الحمولات
اهل المقمع والقنا والشباري
يشهد سقام وغيبها فايتاً فات
يوم إن سيله باحمرالدم جاري
(مرزوق عطالله الصبحي)
——————-
٣-يا ويـل قلبـي لا طرالـي فراقـه=
أنا اشهد ان البعد شين(ن)
ولااقـواه@
قرب الحبايب يشحن القلـب طاقـه =
تسعد بها نفـس المعنّـى
وتهـواه@
ومن صان عشرة صاحبه والعلاقـه=
تشكر لـه الايـام فعلـه
ومسعـاه@
مرت سنين العمـر وحنّـا رفاقـه=
يا كيف ابقوى عيشتي دون لقيـاه@
وان جيت أبوصف ماحتواه بصداقه=
تعجز حروفـي لا طرتلـي
مزايـاه @
الوجـه قمـرآ والحواجـب دقاقـه=
والخصر ناحل تسعد العين رؤيـاه@
والخد كنّـه وردة(ن)وسـط باقـه=
يجمع معاني الزين لا جاك
فحـواه@
والشعر مثل الليل عالكتـف لاقـه=
يبهرك لا شفته على المتن مرسـاه@
وان جاك يمشي مدرسه بالرشاقـه=
مثل الغزال يناوش القلـب ممشـاه@
حتى مزاجـه دايم(ن)فـي رواقـه=
ويوم يتبسم ترقـص الارض ويـاه@
وليا حكـى تسمـع بحكيـه لباقـه=
تنقط عسل في كل كلمـه شفايـاه@
وليا سكـت بيّـن جمـال الذواقـه=
له مبسـم(ن)زادت بقفلـه حلايـاه@
ومن هو يعرفه قال ماحـلا خلاقـه=
الديـن والحشمـه نهجـه ومبـداه@
ولاقالوا اسمه زاد نبضـي خفاقـه=
اسمه نغم بأحـلا الاغانـي تغنّـاه@
وان قلت اببعد شبّ صدري حراقـه=
لجله فريـد ولا بهالكـون شـرواه@
واللي يلوم القلـب بأحلـى علاقـه=
الله مـن عنـده بالحـب يـبـلاه@
( ناصربن مصلح الاحمدي)
ابومشاري
———————
٤-الحزن والافراح لاشك ماتدوم•
ولاتكتشف حزن القلوب المرايه•
نقوم ثم نطيح ونطيح ونقوم•
كلن تجرّع كاسته بالبدايه•
ودام القدر مكتوب والرزق مقسوم•
بصبر على الدنيا وحتى النهايه•
ماقد ندمت لفعلي الطيب في يوم•
لجل الاجر من خالقي مبتغايه•
ببقى على طيبي ولو جاني اللوم•
حتى مع اللي قد تمنذل معايه•
طبعي عجزت انساه لو كنت مظلوم•
وبدعي على المخطي معي بالهدايه•
العمر رحله والاجل شي محتوم•
والموت يختم كل هذي والحكايه•
( ناصربن مصلح الاحمدي)
ابومشاري
—————
٥-(أقسى أنواع الألم تلمسه في ثلاث؛ رحيل الأحبة، وحقد الأقارب، وخذلان الأصدقاء)
الوفي يبقى على راسي عصابه•
افتخربه دايماً والراس طايل•
والكرم والجود مايوخذ نهابه•
وهبة الخلاّق وفعول ودلايل•
الكرم راعيه في صدره رحابه•
والبخيل يصد لاجات الصمايل•
والفضايل والمكارم للنجابه•
طبع لاهل الطيب من كل القبايل•
والمراجل ضلع يتعب من رقابه•
ماتجي بالهرج ولاّ بالتحايل•
والجزايل كالذهب عند الكتابه•
تنحفظ في صفحة جزال المثايل•
والهزيله تسكن بغب الخرابه•
ماتعلّي راعي الهزله هزايل•
( ناصربن مصلح الاحمدي)ابومشاري
مجآرآة.......
المكارم منهج أصحاب المهابه•
عاشقين المجد من روس الحمايل•
مزبن اللي سيف جور الوقت صابه•
وأرتكاله منكبه والحمل هائل•
كل عرق وكل جنس وكل لابه•
الوفى ميزة لوافين الخصايل•
والشتاء والصيف مابينه تشابه•
بالردي يبست منابيع البلايل•
الشاعر القدير/
( مرزوق عطالله الصبحي) ابوخالد
————————-
٦-إمّا تعيش بدنيتك ذيب ياذيب•
ولاّ بتاكلك الضباعه والكلاب•
ولوشفت من دنياك نار ولواهيب•
اصبر على الدنيا ومهما الزمن جاب•
تجني من صدوف الليالي مكاسيب•
والطيب يرقابك على راس مرقاب•
من لا كسب قولة نِعم قبل لايشيب•
يعيش باقي العمر تأنيب وعتاب•
(ناصربن مصلح الاحمدي)
{جميل النوايا}
مجآرآه،،،،،،....
الذيب يشكي من عناالوقت تعذيب•
خانت به الهقوات وحدوث الأسباب•
في معترك كثرت عليه الثعاليب•
وأصبح من المغزا مدهور ومنصاب•
معاد يلقى فالسمينه مقاضيب•
جاه البلا مابين ضرسه والأنياب•
يبغاالسلامة خائف من المناشيب•
اليوم مثله مثل عكفان الاشناب•
( مرزوق عطالله الصبحي)
ابوخالد
——————-
٧-شكيت العمر وايامي وبكيت آلآمي اللي فيّ•
وندبت الحظ وظروفي واقداري تمشيني•
وانا عايش بهالدنيا وانا ماملك ومنها شي•
وعقلي كنت احسب انه مع العالم مقديني•
رحل نصف العمر واكثر وانا مابين شمس وفيّ•
الملم داثر احلامي عساها بيوم تحييني•
تكتفني ظروف الوقت وانا دوّر لليلي ظي•
صبرت وليت الصبر باقي العمر يكفيني•
(ناصربن مصلح الاحمدي)
ابومشاري
ليست هناك تعليقات:
إرسال تعليق