 |
| الشاعر الخلوق علي حميدي الفارسي ابو عيسى. |
يالله يامنزل تبارك والانــــفال
بديت بســـمك ياسميع الطلايب
تديم خوتنا مــــــع رجال عقال
اهل السبال معَطْبين الضــرايب
ريف الخوي لجات حزات الاهوال
كنّه معزز بين. عـــم. وقرايب
اللي لهــــــم فقلوبنا دوم منزال
مثل الغشينه من علو السحايب
وتجيرنا من كل خاين ومحتال
ومن راعي الوجهين والنذل خايب
قد قالها من قبلنا قروم ورجال
من جنّب الانذال لاشـك صايب
الخــوه اللي مالها فيء وضلال
ماتفيدنا لجــــــات وقت النوايب
مانفتخر فيها ولاهي على البال
عن مثلها قنعان والفـــال طايب
من لايعزون الخــوي مالهم فال
عند الرجــــــال الغانمه والنجايب
اوصيك يامن للمعـاريف مدهال
خويك احسب له سوات القرايب
عطه الشحم والكيف فوسط فنجال
لا يشتكي منك العلــوم العجايب
وايامنا تصفق كما جـرف وهيال
من لا اعتبر فيها يذوق النشايب
واختم كلامي ياعرب مثل ماقال
ترى الخـوي الزين كنز وكسايب
————-
اخاف الايام تغدر بك
ياقلبي العاشق الولهان
لاتشيل ذنبك على جنبك
وتصير في عالم النسيان
علي الفارسي
----
مهما شربت ألحلا والشهد
لابد ماتشرب الحنظل
ايامنا ببن صـــد ومد
ماكل الايام زهْر وفل
علي اافارسي
----
الله لا يعيدها لحظه
وقفت دمي بشرياني
سببتلي فالحشاء نفظه
زلزلتلي كامل. اركاني
علي الفارسي
-----
لاتلومني وانت ماتدري
عن نار قلبي ودقاته
من حرها يحترق صدري
والنوم ماذقت لذاته
علي الفارسي
-----
اكفكف الدمع .... بيديّه
اللي على وجنتي يجري
واكتم على الآه جبريه
حتى العرب عنه ماتدري
علي الفارسي
------
ان كان تبغى دوى جروحي
اللي المها في وسط القلب
تعال واعطف على روحي
لاتكون مثل الحديد الصلب
----
بكت عين المفارق دم
يالين جفت مدامعها
والناس بالحال ماتعلم
اللي مسبب مواجعها
----
لحظه حزينه ولمت بي
مفعولها فالجسم يجري
من قوها زلزلت قلبي
ان كان ياصاحبي تدري
-----
اداري الشوق واكنه
خايف من الناس لا يدرون
واصبر على الاه والونه
واقول يا الله عساها تهون
----
عذبتني ليه ماتشعر
بحساس قلبي ودقاته
كن الثواني علي تمر
اطول من اليوم ساعاته
----
اشواق قلبي تعذبني
في وده الغايب الموجود
وخيالهم ما يفارقني
دايم لهم فالفؤاد وجود
----
كل الاحاسيس تؤلمني
ماني على حملها قادر
ان كان قنعان علمني
والا على وصالنا بادر
-----
ياخوي استشعر الموضوع
اللي مكدر خواطرنا
فيروس يقتل بشر وجموع
من غير قاصر فكادرنا
-----
تعال في يومنا المشرق
نرسم لنا احلام ورديه
قدام فبحورها نغرق
ونعيش ف احلام وهميه
-----
يالله ياحامي الكعبه
ياراد يوسف على يعقوب
افرج لنا الهم والكربه
وطهر بلدنا من المكروب
-----
لو قست الاشواق في قلبك
انا في قلبي ثلاث اضعاف
ماتخاف يازبن من ربك
عذبت قلبي بدون انصاف
ليست هناك تعليقات:
إرسال تعليق