يا شاغلين القلب بالود كبوه
اقبل عليه الشهر يبغى يصومه
اعطوه فرصة يالمخاليق سيبوه
يرتاح من وده وتقوى عزومه
امّا اقتنع ولّا عن الود كووه
عساه يلقى راحته من همومه
عشيق ليلى بيش كانوا ينادوه
مجنون ليلى فالهوى لا تلومه
بكرا فؤادك فالخلايق يسموه
هذا عشيق الود بانت سهومه
تخيلوا لو كان للقبر ودّوه
والتفت السيقان جرّد هدومه
في حفرةٍ ما جات مترين حطوه
هالوا على القوز حطوا رجومه
قفوا محبينه عن القبر خلوه
يجيه منكر مع نكيرٍ خصومه
إمّا فصيح لسان بالحق زكوه
ولا قليل احسان شانت علومه
حتى القرايب والمحبين نسيوه
والبعض ينشد فالعزا عن قسومه
يهمه الميراث والورث حبوه
هذي غرايز ناس وهذي سلومه
من فيه غيرك يا الهي ونرجوه
تحسن خواتمنا وخيرك تدومه
تحياتي أبو ناجي
ليست هناك تعليقات:
إرسال تعليق