ابراهيم نماي الرحيلي ابو قصي
متزن في كل خطوه له سلامة
مدرك الواقع وشاطح بالأماني
بينه وبينه فرض كل احترامه
رافع التفكير عن نطق اللساني
في خياله ريح ساقت له غمامه
فوق راسه من مكان اليا مكاني
تمطر الآمال وتبل العمامه
كل مايشرف على غدر الزماني
من وراها شمس جلاية ظلامه
والهموم الليل عند المودماني
في دفاها ذوب ياثلج الندامه
واسحب الماضي على بحر التفاني
وش يفيد اللي دفع عمره غرامه
لاظفر من بعد ماهو عود فاني
اتزان الذات عين الاستقامه
صابت الأوجاع من منظور ثاني
ابراهيم نماي الرحيلي
—————-
لوالدي رحمه الله
بوحي ذرف بالوفا دمعه
على خدود الجزيل وناح
فالقبر ياطيب السمعه
انا معك دافن الافراح
ابراهيم الرحيلي(( ابوقصي))
ارسمك في نوتة العازف
احلى نغم من صميم الذات
واكتب من دمي النازف
واستودعك فأجمل الابيات
ابراهيم الرحيلي
كل ما تأملت في صدك
واعذرك واخلق لك الاسباب
اكون دمعه على خدك
طاحت وكحل المواصل ذاب
ابراهيم الرحيلي
صباح يحمل رحال العيد
على امل عودته ثاني
حث الخطا والشهور البيد
ولا اضمن ان عاد يلقاني
ابراهيم الرحيلي (( ابوقصي))
لا تدعي انك الأجدر
وتغيب والضرف شماعه
عطني صبر قد ماتقدر
واعطيك مني وله ساعه
ابراهيم الرحيلي (ابوقصي)
درب العلا بالخطر محفوف
والحلم خلف المتاهة شمس
ممكن على المستحيل يطوف
لا زال خوف الحواس الخمس
ابوقصي
ارفع جنابك عن الاحقاد
خل التسامح معك رايه
وانظر بعينك على بغداد
ان كان تحتاج لك ايه
ابراهيم الرحيلي(ابوقصي)
النقد بالعرف لو ينطق
ولسانه الطيب والاخلاق
يفرض جنابه على المنطق
من دون لايجرح الاذواق
ابراهيم الرحيلي(( ابوقصي))
يرتد لي بالأماني طرف
والوقت يستنزف اشواقي
حاول تكسر قيود الظرف
عل وعسى تلحق الباقي
إبراهيم الرحيلي
ضيقه عن الناس حدتني
من اخمص الرجل للكاهل
ياليتيها يوم ردتني
كانت على شي يستاهل
ابراهيم الرحيلي((ابوقصي))
خاطرة
تدري متى للمشاعر قيد
يصفد البوح عن ودك
لاستسلم القلب للتصعيد
الي من العين في خدك
ابراهيم الرحيلي (( ابوقصي))
شوف الخطا قبل لاتنصح
من نظرة العدل والانصاف
احيان قطع الاشاره صح
لاجات من خلفك الاسعاف
ابوقصي
حظي سقيته من الايام
اصرار مبني على تقوى
حتى جنيته من الاحلام
واقع على بسمتي يقوى
ابراهيم الرحيلي(( ابوقصي))
ابراهيم الرحيلي
اوقّد على هامش التفكير
نار العزم واحرق الحيره
درب السنع لاقطعته خير
ولو تعثرت به خيره
إبراهيم نماي الرحيلي
الشك سلطه على العشاق
يفتح على الهم بيبانه
اخر طريقه عنا وفراق
على الندم يعزف اللحانه
ابراهيم الرحيلي (( ابوقصي
الفعل راس المال والمرجلة بنك
اصرف ولا تخشى الفقر من زمانك
ان كان ماهو فعلك الي حكى عنك
وانتا على صهوة لسانك حصانك
اغسل يدينك عن مواقيفها منك
قدرك مابين اذنك وهرجة لسانك
ابراهيم نماي الرحيلي
عجيب ياصوت المطر تالي الليل
الشوق يفتح لك فالارواح شباك
البرق في عتم الهواجيس قنديل
ساعد عيون الحيل في هم الاشواك
والرعد صوته بالفرج يجلب السيل
يسقي ديار النفس والاش يفداك
مرت سحابه تغسل الحط والشيل
تنبت مفاهيم الامل فوق الادراك
ابراهيم الرحيلي (( ابوقصي
اتركو للطيب ميزان الحلول
ودفنو كل التكبر بالثرى
التسامح يجمع اصحاب العقول
والمجنن تجتمع خلف الزرا
ابراهيم الرحيلي(( ابوقصي))
من فرحة الغيمه بحضرت جنابك
صبت عليك اليوم كامل مطرها
تبرق فخر من يوم بلت ترابك
بين الغيوم وتشكر الي امرها
ياسيدة كونك عطيتي سحابك
من ذروة الايمان قرة نظرها
يا دار طيبه شوق الارواح بابك
على السكينة ربك الي فطرها
ابراهيم الرحيلي(( ابوقصي))
حان السفر وانا مع الباب ظلمت
في بيت حضنك تارك انوار روحي
عن كل سر" تفهمه لا تكلمت
صدق المشاعر لو تمعنت، بوحي
تنزف فراقك غربتي وان تألمت
اجمع وصوفك لين تبرا جروحي
ابراهيم الرحيلي(( ابوقصي))
لاتخجلين الصباح الي نظر خدك
وتبادلينه جمال الكون بشراقه
لا ياقف الوقت في ودك وماودك
من شان سير الطبيعه صكي الطاقه
ابراهيم الرحيلي( ابوقصي
تفرج بذن ربي لو الوضع طوّل
حبل الرجا بالله ماهو بمقطوع
الحال من كثر الحرام يتحوّل
لين الحلال اصبح عن الناس ممنوع
اعظم من كرونا وحظر التجوّل
الجمعه اللي كنها نص الاسبوع
ابراهيم نماي الرحيلي
ليست هناك تعليقات:
إرسال تعليق