(الشاعر الخلوق بخيتان البشري)
طال الجفا واستباح الود
ولا فيه حيلة ولا دبرة
راح العمر والسنين تعد
دنيا كما البنج فالابرة
=====
أجساد تمشي بدون الروح
و أرواح فأجساد مارتاحت
يا آخذ الروح وين نروح
وروحتك بأرواحنا راحت
====
كل شي له حل مهما دام
حتى الحبل لانعقد ينحل
واللي عرفته مع الايام
لا مات الإحساس ماله حل
=====
ياسيدي العمر في تاليه
متى ثقال الحمول تخف
مما بقلبي وما اعانيه
عيت بحور الدموع تجف
=====
أنساك وأنسى هذاك الود
ايّام . والقاك في عيوني
طيفك يجيني برغم الصد
خلا المشاعر يلوموني
=====
ماشفت بين العرب زيك
ولآظنتي مرهُم شرواك
يا جاذب الناس في زيك
يا خادع الكل في مبداك
=====
امشي لا جا فالعرب لفْاق
ما اجلس مجاليس لفْاقـه
ماني على مثلهـم مفتـاق
ولا لـي بمجلاسـهـم فـاقـه
==============
فــراق وفــراق فيـهـا فــرق
ل مـفـارق الـحـي والمـيـت
مفارق الحي يحرق حرق
كل ما دروب الوصل عيت
****************
كل ماذكرت الذي فارق
نظرة عيوني بدون رجوع
يحيا آسى فالحشا حارق
واعالجه بالعيون دموع
****************
صحيح يانعمة النسيان
ننسى مِعك حي فارقنا
لكن يبقى هناك إنسان
يعجز فراقه يفارقنا
**************
كـل المعانـي لهـا منـظـور
منظـورهـا منـبـع الفـكـره
واللي كتب خطه المعمور
مدلول واضح علـى فكـره
*****************
يالـي عطيتـك غـلاك بيـدك
وتقـول ضـاع الـغـلا مـنـي
ماني على ضيعته ناشدك
إنتـه بنفسـك مــا تلزمـنـي
******************
والله يلـو كـان بـي تـدري
وتعلم بما يحتويه القلب
إنـك عليـه تـجـي تـجـري
يكفي كياني قلبتـه قلـب
*******************
تظهر عيوب البشر للعين
اصحى لسانك بها ينطق
عيبك بيظهر لهم بعدين
المسألة مسألة منطق
******************
كثيـر لـه عـقـل فالـرأسـي
وقليـل عاقـل وعنـده ميـز
واللي بلا عرف وقياسي
ما أظن فالنايفة لـه حيز
*******************
علقتهـا بعـد مـا أستوفـت
واجب لها بالفـؤاد يلـوف
ويوم إنها قصرت ما وفت
كفنتهـا واللحـد فالجـوف
*******************
تلقاه دايم ضعيـف النفـس
لو كان واحد من أصحابـك
يلعب معـك فالخفـا ويـدس
وحريص فالوجه بأعجابك
********************
فـي مقتـبـل عمـرنـا ذقـنـا
كأس الآسى ورتشفنا المُر
واليـوم مـن بعـد ماشبـنـا
شريط ماضي علينا يمـر
*********************
كيـف الليالـي مـع الأيـام
فـي ودنـا واقفـة بالـضـد
نبني بها فالحياة أحلام
وكل ما بنينـا علينـا تهـد
*********************
بنصحك يالسامـع الناقـل
إنــــك تـبـيّــن لــمــا تـســمــع
لاتصير في خانة الجاهل
بـلـسـان لـسـئـيـة يـجـمــع
********************
كل ما نسينا الليال السود
وقلـنـا بــدأ حزنـهـا يـبــرح
باشكل من اول علينا تعـود
وبماضـي احزاننـا تجـرح
..
*******************
لأجلي بقايا بَشر لي عام
لا قلب لا عقـل بـي لا رُوح
تعال شفنِي بعدك حطـام
مخلوق ظلا يجي ويروح
*********************
سنـيـن ذاك الجـبـل رآســـي
ما يحسب حساب من عدوه
واليوم يشكي من الباسـي
مــن قمـتـه لأسفـلـه قـضــوه
**************************
ابوي من صُغـر وصانـي
قال أسمع اللي بقوله لك
الـكـل لــه عـقـل ولسـانـي
جابتـك تحكـم عليـك ولـك
**************************
اقـفـيــت وإفـــــراق بـقـيـتــه
وذبلت ورود الحنيـن سنيـن
قـلــبــي بــلامـــآك عـزيــتــه
ياكيف تقوى تجينا الحين
==============
أيـــــام وشــهـــور عــديــنــا
وتوالـفـت فالـزمـان سـنـيـن
مـن عمـرنـا لأجـلـه أهديـنـا
وأهدأ لنا فالحشا جرحين
********************
يشكي آسى فيك ذاتـك منـك
ونشكي آسى منك في ذاتك
تخـالـطـو وخـتـلـط مـعـدنــك
تِـهــنــا مــعـــك فـتـجـاهـاتـك
*********************
يامستبيـح الفـؤاد ارحـم
إنسان تحـيـيـه وتـمـيـتـه
تسقيه كأسك لذيـذه سـم
يطعم به اشواق محييته
*******************
لآخـر حــدود الـغـرام أهــواك
ولا ابعد مدى ماتشوف العيـن
وأرحل مع الشوق في لُقياك
مهمـا يكـون إتجاهـي ويــن
*********************
جرح الهوى جرح ما يبرى
لــو يلتـئـم ينتـقـض لاشــك
تبـقـى بداخـلـك لــه ذكــرى
لا طيـفـهـا مـــر لـــه نـبـهــك
***********************
اصــــدر قـــــراره وغــادرنـــا
واخفى الذي خاطره ينويه
ولــمـــا عــرفــنــا تـفـاجـئـنــا
وش ذنـبـنـا كـلـنــا نـبـكـيـه
***********************
نــحــتــاج صـــــــورة نــبــروزهـــا
على .. جدار ..الزمن ((ذكرى))
عـــن ((واقـــع ))الـيــوم نـرسـمـهـا
لأجيال تأتي .. بعدها أُخـرى
***********************
اليا أقبلت حـزة الفرقـا
لاتحبس العين دمعتها
وتزيد فالقلب بك حرقـا
ماتنطفي فيك جمرتها
***********************
جنيت ودك آسى وجروح
عيشتنـي كامـل أحـزانـي
قلبي عدو تحتويه الروح
لفـراقـكـم دوم يـعـصـانـي
***********************
تـجــارة المـعـرفـة فـالـنـاس
لـرجــال بـرجــال تكسـبـهـا
راع الوفى كسّب النوماس
ونـومـاس وافـيــن كسّـبـهـا
***********************
كُف الأذى عـن طريقـي كُـف
لآذي ولآ أقــبــل اســتـــاذي
واختار ياجيت تحت الخُف
والا أنـــاديـــك يــاســتـــاذي
***********************
عشـت الأمـل فالحيـاة جـروح
تـــنـــزف بــألآمــهــا ضـــــــدي
واللي سكن في صميم الروح
حـــظـــي بـلـقــيــآه مـــتـــردي
***********************
نقطـف ورود الهنـا ونـشـم
وتذبل وهي فاليدين ورود
هــو هـكـذا الــود مايسـلـم
أحيان يرحـل بعـد مايـرود
***********************
حي ودفـن حـي فالخافـق
وعزت جميع الجوارح فيه
ويبقـى فـراقـه ولــو فــارق
للحي طـول الزمـن يبكيـه
***********************
راق الزمن مع همومي راق
وآنـا معـه بالعـمـر مـارقـت
كثيـر صـابـه كـمـاي وفــاق
وأنـا فغيبوبتـي مــا فـقـت
***********************
ابحـرت فعيـونـك الثنتـيـن
وامعنت فيها النظر ساعة
وقـريـت فيـهـا وداد اثنـيـن
يحكـي عـن قلـوب ملتاعـة
***********************
فـرحــة لمـيـعـاد ليـلـتـنـا
اللي اتفقنا نتلاقى فيه
تبـدلـت عـكـس حالـتـنـا
حـل الوعـد كلنـا نبكـيـه
***********************
مثـلـتـك أيـــوب فـــي صـبــره
وتوجت ذاك الصبر بالصمت
مـاتـسـكـن عـيـونــك الـعــبــره
إلا عــــلــــيّــــه إذا تــــألــــمــــت
***********************
أنا زمانـي دروسـه جـم
اللي عنّـا كثرهـا مليـت
ياكم بنسى وبأذكر كـم
وانته بذاتي ولاحسيت
***********************
أذكــرك والـقـاك ناسـيـنـي
حتى الصبر مل واستكبر
وآنـا الـذي طيلـة سنينـي
كل ماكسرت الـوداد اجبـر
***********************
قلـبـي ربـيـع الــوداد اكـسـاه
واسقـاه عذبـه خيـال وضــي
مـــن بـعــد مـاتــم لـــه لـقـيـاه
كل ما أسأله قال ماشي شيّ
***********************
مالـوم ورد الزهـر لامــال
وتحدثـت عنّـك اغصانـه
لو يعلم انك قلبت الحال
معذور لو عـاف بستانـه
***********************
مـن بعـد فالنـون حطيـتـه
سبب خروجه عمى للعين
برمـشـهـا بــعــد غـطـيـتـه
خـرج ولا قــال رايــح فـيـن
***********************
كم من عُذر من جنابك كم
من كثرهـا كـم ماحسبهـا
بـحـط نفـسـي أصــم أبـكـم
عـلـيـك نـفـسـك تحـاسـبـهـا
***********************
ضاع العُمر في سجُون الهم
كـــل مـاخــرج تُـهـمــه تــــرُده
لـيـن الـزمـن قـلـت لُـــه يـاعــم
مــاجــاه يـكـفـيــه و يــســـده
***********************
بانـي عليـه الامـل وطـمـوح
خابـت والاسـبـاب مخفيـهـا
لاجله ولِد في صميم الروح
عـاش وتـربـى ونـشـأ فيـهـا
***********************
ترفقي ياجروحي بـي
وتلذذي فـي معاناتـي
اخترت نزفك دوا غلبي
اتقبلـه فـي مواساتـي
***********************
ليل الآسى تنزف جروحه
ونهاره اقفى مـع الجـرّاح
ومن بعد ماطلْعـت روحـه
تمتـم ونآظـر عـلـيْ وراح
***********************
احــتــرت فـايـاتـهـا نــّــوي
الـلـي تسـبـب فأسـقـامـي
اربـع بـهـا ماصـفـا جــوي
عيـت تحـدد مـن اعـوامـي
مـدري مـن الــدرب متـلـوي
والا مـعـي حــظ مـاقـامـي
والا هــــــوى ودّ مــتــقــوّي
او جرح له وضع ونظامي
***********************
مااحسب دوا روحك جروحي
وُ وصفة علاجك دعاوي تقيم
لاتطـعـن الــود فــي روحـــي
لأجـلـك بـهـا والـــوداد مـقـيـم
***********************
حُب و وّله !! إشتياق و شوق
تـاصـلــك حــامـــل لــهـــا ودّي
دام النظـر معتـلـي بــك فــوق
لاتـجـيــب بـالـفـكـر و تــــودي
***********************
بعـد القـدر فيـه بـي لمـي
لمـد طيبـي منحتـه صــك
وصد وجفا للاسف يمي
فتـح لهـا بـاب ماينـصـك
***********************
مااقـسـاك يـالـوقـت يـاجــورك
ومااقسى العرب في تعاملهم
خــلــي ظـلـمـتـه بـمـنـظــورك
وناسـه شكـى مـن تجاهلـهـم
***********************
يامن لكـم فالمنـام اشتـاق
ارفق على قلـب محبوبـك
مع غيرك الفكر بي ماراق
ادمـنـت رقـتـك واسـلـوبـك
***********************
ظـرف الزمـن ردنـي وأجـبـر
أمشي بعكس اتجاه ابغاه
لجل إن حرصي عليه أكبر
مـمــا تـصــور ومايـخـشـاه
***********************
لو نوصف العقـل للعاقـل
الـعـاقــل يـمــيــزه عـقــلــه
كالجهل ننّعت به الجاهل
عقـلـه يمـيـز مــدى جهـلـه
***********************
لاحسِنت فالناس نياتك
وتواجد الصبر فنطاقك
خـل ابتسامـتـك مـرآتـك
وناظر بها قمـة اخلاقـك
***********************
ماللـقـلـم بالـيـديـن كــفــاح
باللي عرف دمعة الشاكين
إن هو رسمها بـدر وضـاح
يسري املها مـع الساريـن
***********************
والله لو عمـري الباقـي
اعيش به هـم زايـد هـم
إن الغلا داخل اعماقي
يصير في حبكم اعظم
***********************
الثوب لـو يلبـس مقلـوب
بايـن للأعـيـان لا شـافـوه
المشكلة من بوسط الثوب
صعبة للأعيـان لا عرفـوه
——————-
منا الرسائل كنها طويق تأتيك
بشموخها تنبي عن شموخ اهلها
يبعث بها من كان وده يلاقيك
لكن ظروفه ماتوقّف عجلها
ومكالماته كل ماجات تلفيك
تلقى عدم ردك يجاوب زعلها
بإنسان لك مقدار عنده ويغليك
رجال بيبان الوصل ماقفلها
الرجل دايم منطقه عنه ينبيك
اللي مراقيب المراجل وصلها
اللي على وضح النقا يوم يطريك
بعلوم طيب المعرفة بك شملها
ياخذ جنيه ومثله جنيه يعطيك
تعامله بالطيبة ويعملها
مدري علينا بالجفا من موصيك
ترى الصداقة تمرها من نخلها
باللي ليا حضروا تنومس معاليك
والكل منهم غانمة لا عقلها
مبدئ لهم يوم المبادئ تناديك
دروبهم ماتنحرف في عذلها
ندعي لك المولى وللخير ندعيك
ياللي تعرف جبالها من سهلها
لك فالجمايل عندنا ذكر يوفيك
ماللعرب دون الحمول وجملها
دايم لهم بصايبة حكم يرضيك
ذي سالفة والعدل سيفه فصلها
يالله تجعل نيتي موثقه فيك
لاتخيب رجواها وتفقد املها
———————
ياسامعني تعال وشوف مثلي دورة الايام
في حاضرها وماضيها وسارحها وضاويها
عجلها بالشهور يعد . يجمع بالسنين اعوام
احد يلقى منافعها واحد صوبه بلاويها
بنستطلع نتايجها حسب ميز العقل بالمام
علينا نكشف اولها قبل ينعاف تاليها
بنلقى فالدروب دروب فيها للشتات ارقام
ونمشي فالطريق ولا نحاول نلتفت فيها
ذخرنا عشبة الامال بنداوي بها الاحلام
عساها تعالج الألآم قبل الوقت يعفيها
على ماقيل للحكمة حسب ماحاطت الاقلام
حقايق طابقتها ماتكذب قول حاكيها
علينا نختصر منها المهم ونحوي اللي هام
ولو خربت نتايجها دعينا الله يسويها
ترجح كفة العقال لو كفة عليها اجسام
عشان اهل العقول عقولها دايم تقديها
لجل راع الوفا والطيب يركِز فالحيود اعلام
يحشم خطوة الوزعة على دربه يداريها
يميز بالصفا مشيه ويعلم للظروف احكام
وطبعه فالحياة ظروف خلق الله يراعيها
وقيل ان الردا قصره يعود من بناه حطام
ونية صادقة يفلح بها من كان ناويها
وسوق المخطية لو شفت بين الناس فيه ازحام
يقولون اتركه واصحى بضاعة منه تشريها
ياسامعني لقيت هجوس . شعري في سماها حام
يوايق فالزمن والناس . وافكاري يسليها
——————
ارسلت لـك مـن بـاب عهـدٍ وميثـاق
حتـى عـلـى ماقـيـل يـرتـاح بـالـي
إن كـان وإن الـود فـي داخلـك راق
وشفـت المشاعـر تنـدفـع ماتبـالـي
خل الرسايـل بينهـا عشـق وعنـاق
ويلقـى بهـا حبـر الـمـودة مجـالـي
وإن كان متردد تريـث . والاشـواق
تنـبـيـك عـنـهـا قـادمــات اللـيـالـي
الــود نعـمـة بـــه مقـاسـيـم وارزاق
ونعيـشـهـا مـابـيـن مُــــرٍ وحــالــي
وإن ماحضر مكتوبنا غيـر بفـراق
ليـه طلـب لاترخصـه وانــت غـالـي
لاشفـت قلـبـك للمراسـيـل مشـتـاق
ارسـل وتلقانـي إذا العـمـر طـالـي
لامل بي صبري ولاخاطري ضـاق
دام النصيب يصيب يابعد حالـي
علمـي صفـا كنـه علـم دوم خـفـاق
في داخلي في واقعي في خيالي
—————
اقول فاللي ثمن الطيب بالطيب
هذاك بأهل الطيب ساسه مضرى
ماهي غريبة يطلع الذيب للذيب
نعمين من قال الحقايق وقرى
يبقى الوفا باهله على أعز ترتيب
مجنون من كب الثياب وتعرى
الجرح لو يبطي ولا شاف تطبيب
لا يلتئم مرة ولا عاد يبرى
تصيب هقوات الرياجيل وتخيب
ولا خابت الهقوة بها وش تحرى
العاقل اللي مايبى كثر تأنيب
ان ماتجرئ به ضميره تجرئ
حياتنا جملة دروس وتجاريب
من لا اعتبر منها تضيّع وغرى
دربٍ يوصل لا علو المراقيب
ودربٍ بلا مادٍ كما ليل غدرى
عمر الفتى من شبته لازم يشيب
وجرح المشاعر غير عن جرح برى
————-
ياللي تبى الحالة ترى حالتي بين
حزن وفرح مضمونها هموم وسرور
فالعين ود مقابله صد من عين
الروح بين غياب للشوق وحضور
والقلب في موال الاحزان لاوين
والحظ على ماقيل فالناس معثور
درس الليالي فالعمر لو بدا زين
كثر التجارب فالنهاية لعب دور
ثنتين فادتني وجنبت ثنتين
وروح البنادم بين أحاسيس وشعور
الصبر زادي والامل لي عناوين
مدلولها في سكتي مآخذه نور
واليأس جنبته وخضت الميادين
لو الحزن له داخل الصدر جمهور
وجنبت شرهه مادها عند غالين
لو خاطري منها تضايق ومكسور
————
ياراعي العقل الذهين اسمع لما بعد السلام
اجلس مع رجالن تفيدك لا بدأ منطوقها
واعلم ترى قِل الحكي يغنيك عن كثر الكلام
ولا احدن يبيع الطيبة في سوق ماهو سوقها
وحلم ترى حلم الرجال ارباحها وقت الخصام
واحرص على طيب النبأ واوف الرجال حقوقها
وخلك بعيد الشوح لا ترمي بنفسك فالزحام
ترى العرب عقالها تنبذ فعل مطفوقها
علمن بلا برهان كبه لاتوليه اهتمام
خله سحابة صيف فالبيدا تلوح بروقها
والجار عزه واكرمه لو كان ماهو من كرام
حاول تخيط الطيبة لا بان بعض فتوقها
وخل المقال يليق لا أبديته في منزال المقام
كم يابسة تحيا ليا منك سقيت عروقها
الطيب يثمر لا زرعته لو بعد عشرين عام
يوم الصدور مقفلة ماحدن فتح صندوقها
واللي تجي بالواو تفرق ماتجي حسب النظام
ويدين تصفق فالهوى ويدين دون احلوقها
.......
ياللي فراقك فالمحاني كواني
يالله عسى كل الليالي لك سرور
وابغى السموحة لو غلط بك اللساني
من غير قصد.او جاك من يمي قصور
دامك تبى الفرقـا وانا ماتباني
بأصبر على المكتوب لو كنت مجبور
مالي على حكم المقادير شاني
لو كنت في ود المحبين مأسور
لو كنت لحظة في عيونك اناني
تراك في عيوني زمن مصدر النور
وانتا مسامح فالذي منك جاني
لو خاطري من صنع الايــام مكسور
ولو مر طيفي في خيالك ثواني
لاتجرحه ( تكفى ) ترى جالك يزور
————
ياراعي العقل الذهين اسمع لما بعد السلام
اجلس مع رجالن تفيدك لا بدأ منطوقها
واعلم ترى قِل الحكي يغنيك عن كثر الكلام
ولا احدن يبيع الطيبة في سوق ماهو سوقها
وحلم ترى حلم الرجال ارباحها وقت الخصام
واحرص على طيب النبأ واوف الرجال حقوقها
وخلك بعيد الشوح لا ترمي بنفسك فالزحام
ترى العرب عقالها تنبذ فعل مطفوقها
علمن بلا برهان كبه لاتوليه اهتمام
خله سحابة صيف فالبيدا تلوح بروقها
والجار عزه واكرمه لو كان ماهو من كرام
حاول تخيط الطيبة لا بان بعض فتوقها
وخل المقال يليق لا أبديته في منزال المقام
كم يابسة تحيا ليا منك سقيت عروقها
الطيب يثمر لا زرعته لو بعد عشرين عام
يوم الصدور مقفلة ماحدن فتح صندوقها
واللي تجي بالواو تفرق ماتجي حسب النظام
ويدين تصفق فالهوى ويدين دون احلوقها
.......
ياللي فراقك فالمحاني كواني
يالله عسى كل الليالي لك سرور
وابغى السموحة لو غلط بك اللساني
من غير قصد.او جاك من يمي قصور
دامك تبى الفرقـا وانا ماتباني
بأصبر على المكتوب لو كنت مجبور
مالي على حكم المقادير شاني
لو كنت في ود المحبين مأسور
لو كنت لحظة في عيونك اناني
تراك في عيوني زمن مصدر النور
وانتا مسامح فالذي منك جاني
لو خاطري من صنع الايــام مكسور
ولو مر طيفي في خيالك ثواني
لاتجرحه ( تكفى ) ترى جالك يزور
ليست هناك تعليقات:
إرسال تعليق