قصيدة بناسبة سلامة الشيخ عابد بن ناصر الحبيشي
ياشعر عطني من روايع قوافيك ===== اللي تحلق فوق متن الغمامة
حتى اتجمل مثل ما هو بخافيك ===== مع الرجال اهل الوفا والشهامة
قال الشعر وأنا حياتي مصافيك ==== وانجدك من شعري بأعلى علامة
عابد يبو مرزوق ربي يشافيك ==== وتدوم بين أهلك بثوب السلامة
عسى الآلم والشر دايم مجافيك ==== ونزرع على وجه الزمان ابتسامة
شوف الخلايق جاتك اليوم توفيك ==== تحمل زهور الورد معها الخزامى
ناصر يبو عابد ترى العز ضافيك ==== والفخر والأمجاد فوقك عمامة
ربعك جهينه مجدهم مجد يكفيك ==== وحبيش ربعك معتلين السنامة
لكن ما خاب الرجا والأمل فيك ==== بنيت مجد ك لين يوم القيامة
راع الكرم تحمل قدورك أثافيك ==== وقت الضحى والا بوقت الجهامة
والعود والدله تقدم للافيك ===== والضيف يتبعها الشبب والكرامة
صل على المختار ربي يعافيك ====== يا مستمع ماناح صوت الحمامة
أتمنى لكم الشفاء
ليست هناك تعليقات:
إرسال تعليق