قصيده بمناسبة عيد الفطر المبارك
لا يا بيوت الشعر هيا اسعفيني ==== خلي الخلايق من قصيدي يغنون
وان كان ما يمديك بالله اعذريني ===== لو كان عذري للمخايق ما يهون
جات اتمايل عن شمال ويميني ====== في اللي طلبته قلت حاظر وممنون
انقى من الجزلات واخذ سميني ===== و اسفها في العيد للي يهنون
بالورد والريحان والياسميني ===== يامرحبا ترحيب وازيد مليون
عاش الملك سلمان طول السنيني ===== ومحمد النايف مقدم ومامون
ومحمد السلمان في السالميني ===== يشبه لبوه وجده اللي تعرفون
والفيصل المحبوب جهده ثميني ===== في دار الرسول اللي بها الدين مصيون
يارب تحفظهم بدنيا وديني ===== لعلهم طول الليالي يدومون
وتحفظ بلاد العز من حاسديني ==== اللي مع الشيطان في الدرب يمشون
يامحافظ الديرة عسى الله يعيني ==== تبذل جهودك للبعيدين والدون
مبارك اللي ربعتك غانميني ====== من لابة ِ فيها المخايق يثنون
والعيد بعد الصوم للمسلميني ==== فيه الفرح من خالق الكون مضمون
وانتم عساكم له من العايديني ====== العيد عادتكم وبالخير تمسون
وصلوا على المختار ياسامعيني ==== صلوا عليه وسلموا يوم تطرون
ليست هناك تعليقات:
إرسال تعليق