قصيدة ( البل عطايا الله)

الـبــل عـطـايـا الله هـــوات المنـاعـيـر=
محد(ن) يرخّص سعرهـا مـن غلاهـا
يــا مــا حــلا درّ البـكـار المصـاغـيـر=
لا جـيــب للضـيـفـان حــــزّة قــراهــا
شمـخ الـذرا فيهاعجـيـب التصـاويـر=
الله خـلـقـهــا ايــة(ن)هـــو حـمــاهــا
ضــرب بـهــا الامـثــال رب المـقـاديـر=
مــن بـيـن لـحـم ودم اخـــرج دراهـــا
ماتلتفـت لـو كــان تمـشـي مشـاويـر=
سفـيـنـة الـصـحـراء وزيـنــة ثــراهــا
ان شفتهـا تمـشـي تسـطّـر طوابـيـر=
مـثـل السـريـه والفـحـل مــن وراهـــا
ولا حـدّهـا الـراعــي تـجـنّـه مغـايـيـر=
وتحفظ طريق(ن) قـد مشنّّـه خطاهـا
وان دارهــا الـحـلاّب حـنّـت مزامـيـر=
تـمـلا لــه المـاعـون لـــو هـــو بـغـاهـا
ولا جـاء فحلهـا تنحنـي لــه مـداويـر=
يـديـرهـا وهــــو بـالـهـديـر ايــدراهــا
قامت تزاحم فوق حوض(ن)مساوير=
وقامـت تفاهـق مـن روى جــم مـاهـا
ولا جاتـنـي تـعـدي تـزرفــل مـزافـيـر=
هــــزّة ظـهـرهــا والـحـويّــر ذراهـــــا
حمر(ن) وجهـم(ن) والحـلا بالمغاتيـر=
وصفر(ن) وشعلا(ن)ما تميّز غشاها
فــجّ المنـاحـر شـامـخـات المظـاهـيـر=
ومـن شافهـا سبّـح لمـن هـو عطـاهـا
نرخـص لهـا الغـالـي وكــل الدنانـيـر=
وماهـي خسـاره بالذهـب لـو شراهـا
ملقـى لهـا لـو جيـت أببـعـد معـاذيـر=
والـــروح مـعـهـا والـجــوارح تـبـاهــا
في جلسة(ن)فيهـا وجيه(ن)مسافيـر=
بيـن الـربـوع وقمـرة(ن)فـي سمـاهـا
والـذود فـي شبكـه بارض(ن)مقافيـر=
وشرحـة صـدر لا مـا نــدوّر سـواهـا
فيهـا القلـوب انظـاف نطـق وتفاكـيـر=
عــن الــردى والـسـوء ربـــك عـمـاهـا
نـاس(ن) كـرام ماتحسـب المخاسيـر=
علـى الـوفـاء والطـيـب منـبـع نمـاهـا
والمـعـذره ان كــان جتـكـم تقـاصـيـر=
تمـت وفكـري حسـب شـوفـي بنـاهـا

الشاعر /ناصربن مصلح الاحمدي