انا اعرف ان الموت فاللوح مكتوب
مكتــوب فـيـها رزقنــا والمماتــي
لكنه الشيطان زيّن لنا دروب
دروب عوجة كلها مغريـاتـي
يقول فل العمر والعمر محسوب
هذي دروب ابليس سوّا السواتي
اعلم ترى الشيطان ماهو بمرغوب
خلــى حيـاة النـاس هـم وشتــاتي
انا اشهد ان ابليس فا الحق مغلوب
ودى كثيــر الـنــاس للمــهلـكاتـي
واليوم خليته من الفكر مشطوب
اقــرا علـيه الــــنور والعاديــاتـي
نسيت ان الموت من كاس مشروب
يمكن يجــي فالليــل عنــد المباتي
يالله طلبتك تغفر الذنب ونتوب
وتجعل حياتي راحةً في صلاتي
عبدك ضعيف الحيل للجهد مسلوب
منـك الفــرج يــا رب نبغى النجــاتي
يا غافر السيّات يا مفرج كروب
وختامها يا رب تســعد حياتي
طلال الصبحي ابو ناجي
•••
كل ماتخيّل شيبتي في المرايــا
يسريبي الهوجاس والفكر يحتار
احيــان اقول الشيــب هــذا مـزايا
ربي كساني الشيب حشمة ومقدار
تمسيبي الاحـلام وارجـع ورايا
اقلب الصفحات في سر وجهار
اقلب الصفحات وابغى سجايا
لعلهـا تشــفع لنا يــوم الاقــدار
القى كتابي ممتلـي بالخطايا
ذنوب غطتني صغيرات وكبار
قالــوا تــرا دنــيــاك فــيــها رزايــا
والمومن الصادق على القدر صبار
يامدبر الاكوان منك العطايا
من فيه غيرك للمخاليق غفار
منك العفـو يــارب قبل المنـــايا
انت الوحيد اللي على العبد ستار
عسى ختام الشهر تاتي الهدايا
اللي عليها تتجه كــل الانظــار
وصلوا على المختار خير البرايا
اعداد حج البيت واعداد من زار
تحياتي ابو ناجي
طلال الصبحي
ليست هناك تعليقات:
إرسال تعليق