انواع الاصحاب 


ابو ناجي/ مرتب اصحابي على خير ترتيب ========= من قدم الحشمه علومه حشيمه

            الصاحب الاول / عن القلب ما يغيب ========  ياقف مع الاصحاب وقفة عظيمه 

         والثاني/ اللي وقفته تشبه الديب ======== لا يهابها البندق قوي العزيمه 

        والثالث / اللي من الرجال الهاليب =======  اهل الوفا واهل العلوم السليمه 

       والرابع / اللي في علو المراقيب ======== اللي علومه كلها مستقيمه 

      والصاحب الخامس/ كثير المطايب ====== يرفع عن الاصحاب كثر الظليمه 

     والسادس / اللي يطبب الجرح تطبيب ====== تلقاه بلسم للجروح السقيمه 

    والصاحب السابع / قوي الاساليب ========  ماشي في حاله مايجيب النميمه 

  والثامن / اللي يشرب الود تشريب ======= مقدار في الحشمه ومقدار قيمه

مفرج السيد / ابعث لكم بادي القول ترحيب ======= ياللي تجاربكم دروس وغنيمه 

                فيها لمن يبغى المكاسب مكاسيب ======== لا شك تفهمها العقول الفهيمه 

                وتفيد كل الناس شبان مع شيب ======== لانها جملة نصايح عميمه 

               للي مضوا في منهج الخير والطيب ======== ولا يتبعون الشاينه والدميميه 

              وياصقر لك في الجو عكف المخاليب ======= ولا ترافق الا اهل الطباع الكريمه 

           ولا تاكل الا من سمان العراقيب ========= ما تقرب الهزلات والا الوخيمه 

         ولا تشرب الا من عدي المشاريب ======== من مزنةِ في جوها مستديمه 

       وهدي جواهر ماتحط بدواليب ========= تعرض على كل المخاليق ديمه 

                       
                                                    تحياتي