 |
| الشاعر الخلوق مخلد القايد |
•••
هذبت نفسي على النوماس
على الوفا دام راسي حي
الله يوفق جميع الناس
وانا من الناس مبغى شي
اغليتهم وانكرو ودي
وعطيتهم فوق مايبغون
واللي ذبحني وفا يدي
دايم تمد الوفا متهون
ياما عذرتك ولا حسيت
وانته بالاحساس تلعبي
واليوم بعد الاسي وليت
شكواي وامري الى ربي
يا اللي بكف الجفا لوحت
وقفلت باب الهوى بيدك
من نوم عيني نزلت وطحت
ومن عيني لاطحت ماردك
حشم جنابك عن العذروب
واحرص على منطق لسانك
الثقل والعرف لك محسوب
بين الرياجيل ميزانك
لا كثرو اليوم عدوانك
اعرف غروبك ومشراقك
لا تركي إلا على اخوانك
قدام لا تنكسر ساقك
ياود طبع الجفا هدام
تعال لعيون مفتونك
ودي اشوفك ثلاث ايام
دواي موصوف فعيونك
من طيب راسي عطيتك وقت
وفرغت نفسي ولا همك
وللآن من فعلتك مارقت
تعال وإستح على دمك
يا اللي تشوف الأمر عادي
ماذقت طعم الهوى توك
انت الذي بالجفا بادي
وانا عطيتك على جوك
هويتك سنين مامليت
لين انتهى ف الهوى عمري
واليوم بعد الغلا صديت
حتى الوفا فيك مايمري ؟
من بعد شفت الوليف الزين
اقاسي الجرح و الامي
وخبيت شوق الموده لين
تضاعف الجرح قدامي
مع دورة الوقت والايام
ثوب الامل ضاق في قياسي
واللي بنيته من الاحلام
ينهد دايم على راسي
حبك من الشوق ضيعني
يا ابو هدب والعيون وساع
ليت الهوى فيك يجمعني
ونحصل اللي ف هوانا ضاع
شفت الهوى والمرام الصعب
ما يعجز القلب عن حبك
إنك في عيني تساوي شعب
مشتاق وابغى وصل قربك
لا تنكر الحق يا هادم
بالكذب والزيف والغدره
ماني على فرقتك نادم
لو كان ريقك عسل صدره
فرحتة عمر يوم تأتيني
وتضمني ضمة المحروم
كنك طفل صاح يبكيني
فاقد حنان الهوى مفطوم
•••
الفقر ماهو شتات إنسان
يا كم واحد معنده شي
جزله يمينه تمد اسمان
لا مات يبقى بفعله حي
•••
ليت الخبر ما وصل سمعي
صحيت من نومتي مفجوع
مات البدر و نهمل دمعي
ولا عااااد فيها أمل و رجوع
•••
يا مكرم الناس بخلاقك
تلقى اثر في نتايجها
طيب النبا بان فـ عماقك
وبفعالك الروح تبهجها
•••
بلسم على الجرح لكنك
سببت لي من غيابك جرح
غير الذي صابني منك
ولا عاد فيني اعيد الشرح
•••
•••
ليست هناك تعليقات:
إرسال تعليق