الشاعر الخلوق سعادة اللواء احمد عبدالله الصيدلاني.
( خاطرة )
جدد شبابك مع الحلوين
احرص وداري مشاعرهم
قدام فرق الزمان يبين
ولاعاد تقدر تسايرهم
•••
مراسله:
بطيب النبأ صيتكم ينذاع
يا حرف يطرب محبينه
جو الصفا فالحقيقة ضاع
من بعد ماكان يازينه
وش الذي اخلف الأوضاع
وأهل الصفا صار باكينه
مين الذي سبب الاصداع
حتي نجازيه وندينه
(محمد السناني ابوتركي)
🌹🌹🌹🌹🌹🌹
مستغرب الطيب لك مرباع
من سابـق الوقـت ماضـينه
تـغـيّـرت للمـصافـا طـبـاع
بخـلاف مـاكـان في سنينه
من ناس زادت عليه أوجاع
بالعـنـد خـلّـت مـوازيـنـه
والآن مـايـنعش المـلتـاع
من شان يحضـر مـيادينـه
وش ترتجي من وراء ابداع
مـادام قـفـوا ربـابــيــنـه
اللي لهم فالمحـانـك باع
وما يحـرفوا في قـوانينه.
( أحمد الصيدلاني ابوعبدالله)
•••
من المراسلات القديمة
التي قبل ١٤ سنة تقريباً
عندما أراد الشاعر القدير / أحمد الصيدلاني الابتعاد عن ساحات الرديح قام بإرسال هذه الكسرة لرفيق دربه الشاعر القدير / محمود عزازي ( أبو فياض ) وأتاه هذا الرد الجميل
الشاعر / أحمد الصيدلاني :
قـائـد كـفـو للصفا مـقـدام
ولا جـيـت تـحـمـاه ميقافك
ولا اخاف ان الصفا ينضـام
يــرقـى إذا كــان باشـرافـك
ولجل الرفق فالحقيقه إلزام
استسمح البـعـد عن قافك
وان جال في خاطري قــدام
ما ارضى بغيرك ولا خلافك
رد الشاعر / أبو فياض :
انته عـليــه المديــر الـعـام
أقــل مـا يـمـكـن انصــافك
مستوجبـه قـن واستحـكـام
موروث من سابق اســلافك
موقعك أكـبــر ومركـز هــام
ما يـقـل في حيـز اوصـافك
عـفـتـه لأنـه يـجــر خـصـام
وجيته حيا لجل ميلافك
•••
مراسلة:
سعادة اللواء/ أحمد عبدالله الصيدلاني. المحترم.
إليك بعد التحية.
السلام عليكم ورحمة الله وبركاته.....................................
سلام يوصلك مكتوبه مخصوص من خاطري واهديه.
مرسوم على القيل. مطلوبه مردود. والكل يبحر فيه.
ياللأسف ضاع باسلوبه حرفه ونظمه وما يعنيه.
ما كان اولى من رسوبه لو اكتفى بالذي يكفيه...؟!
(أبو ذكوان.)
اخي الإستاذ الفاضل : ناصر محمد خليل السلام عليكم
اشكرك على اختياري واسف عن التاخير لابتعادي هذه الايام عن المنتديات اليك مع التقدير :
ترحيب في قمة عذوبه
وعذوبته في رسم راعيه
كلا ًله أسلوب في دروبه
ومن منطقه يتضح خافيه
ومن لاأتقن الحرف ماينوبه
الا كلامه وما يحويه
والعّد يرويك مشروبه
ويبقى مابين الملا طاريه
(احمد الصيدلاني)
ليست هناك تعليقات:
إرسال تعليق