رثاء في وفاة زوجتي الغاليه ( ام ناجي طلال الصبحي ) يوم الاربعاء ٨-٥-١٤٤٢
تاصل مواساتي ٠٠ وفيين الأشبار
كبار العزوم اللي ٠٠ قوياً جلدها
اللي على الأقدار مؤمن و صبار
ومثوبة الرحمن ٠٠ صبره حصدها
هذي يا بو ناجي لها ربك اختار
حتى تنال انعام ٠٠ ربي وعدها
و لله سبحانه ٠٠ تصاريف أَلَقْدار
آجال محصيها ٠٠ و عالم عددها
يالله عساها وسط جنات و انهار
وفي جنة الفردوس تلقى سعدها
تجري بنا الدنيا كما لمح الأبصار
و تنحي بنا لديار زايد نكدها
يا نفس يوم الحشر ما تُقْبَل اعذار
لا واهني للي حساني رصدها
كريم ربي صاحب اللطف غفار
و برحمته عز النفوس و سندها
-سالم سلوم الصبحي-
-----------------------------------
يارب فرج عن المكلوم
اللي على الهم ميراده
ما للبنادم عن المقسوم
اللي انكتب قبل ميلاده
الموت امره امر محتوم
لاحـان وقتـه وميعـاده
والمرء في دنيته ملزوم
يصبر على مفارق اوداده
-مسلم الرفاعي-
ليست هناك تعليقات:
إرسال تعليق