طارق عبدالعزيز الرويشد تخرج من جامعة الملك عبدالعزيز بجدة حاصل على شهادة البكالوريس في الحاسب الالي
ويعمل معلما في المرحلة المتوسطة ومقيم في مدينة ينبع البحر ..
——————————
لو غبت لحظة عن اعياني
اشتاق و اذكرك و اتفاخر
لجلك مهو نصفي الثاني
لجلك انا فـــي مكان آخر
#طارق_الرويشد #كسرات
———————————
الشوق سيطر على وضعي
اسهر على مفارقي و ابكيه
ماكف طرف السهر دمعي
واخاف كثر البكى يعميه
#طارق_الرويشد #كسرات
—————————
ضاعت معك اجمل سنيني
وفكـرت ابعـد واعوضـها
المشكلة انك نظـر عيــني
ولا اقدر امشي واغمضها
#طارق_الرويشد
—————————-
فاقت من الشوق اوجاعي
ما تحتمل طاقة الانسان
وتفجرت داخلي اضلاعي
مخازن الصبر و الكتمان
#طارق_الرويشد #كسرات
—————————-
ما كنت اظنك تجي ضدي
وتكون في صف من عاديت
بكـــرة تتوجد علـى ودي
مـا ينفــعك وقتــها ياليت
#طارق_الرويشد #كسرات
———————
يمكنها جروحنا تبرى
من بعد مانقبل الاعذار
لكنها عقبّت ذكــرى
وسجلت موقف وتذكار
#طارق_الرويشد #كسرات
——————
مشغول في واقعي الفعلي
وازيـد كل يوم في الهمــة
البعض عينــه تطالع لـي
وانا عيونـي علـى القمــة
#طارق_الرويشد #كسرات
———————
عديتــلك كل ما سـويـت
حتى بلا اعـذار تبديـها
اول لجل خاطرك عديت
اليــوم مــاني معـديـها
#طارق_الرويشد
—————————
لو غبت ما اسألك عن شوقك
أعيــش في بعـدك بشـوقـي
يهمنــي احـفظ حـقـوقـــك
وانا مسامحــك في حقوقي
#طارق_الرويشد #الخميس
✨✨✨✨✨
—————————
ما فيــه للعاشقين احكــام
تنصف قتيل الهوى المذبوح
حكم القتل للبشر اعدام
واللي قتل بالهوى مسموح !!
#طارق_الرويشد
—————————
شوفك سبب يضعف العينين
حتــى علـى صحـــتي اثّــر
تتســابـق عيــــوني الثنتين
من الذي يشاهـــدك اكـــثر
#طارق_الرويشد
—————————-
طبعي ولا اجامل الغلطان
والمحترم ياخذ عيوني
واذا خسر خوتي انسان
كثير غيره يوافوني
#طارق_الرويشد
—————————
حجبت دمعي وهول البأس
اضحــك ونومــي ولا اذوقه
عاشق وقلبي رهيف احساس
لكنها ضاعــت حقــوقـــه
#طارق_الرويشد
—————————-
رادار رحلــة مودتــنا
مشوشه موجته في الرصد
واعلن عن هبوط رحلتنا
على مطار الجفا والصد
#طارق_الرويشد
——————————
الصحبة اللي على العشرة
تبقى ..ويبقى توافقهم
وصحــبـة المصلحة فترة
واللي جمعهم يفرقهم
#طارق_الرويشد
———————————
شفنا في هذا الزمن اجناس
وحيرتّــــنا مباديها
دايم تحط البلا في الناس
وكل البلاوي تسويها
#طارق_الرويشد
————————————-
اللي لهم ود من ودي
وتقديرهم بالوفا حافل
تحالفوا فالخفا ضدي
وانا لك الله ياغافل
#طارق_الرويشد
————————
لا يغرك اني عليك اشفق
واحيان اغض النظر وانسى
انا لو اني عشقت اعشق
واذا نويت القسى اقسى
#طارق_الرويشد
———————.
هذا زمن قل معروفه
و تغيرت معظم الافكار
من كثر الاسفاف ما نشوفه
صار الادب يلفت الانظار
#طارق_الرويشد——————————————
من عز نفسه يحصّلها
ولا يهزها بالمذلة هز
عن كل ناقص يكمّلها
ومن ذلها لا يدوور عز
#طارق_الرويشد
———————————————
على النقى ما اعرف الوجهين
ثابت على مبدائي صامل
مشاعري واضحة في العين
ان كنت مابغاك ما اجامل
#طارق_الرويشد
———————————
البعض فكره مثل هداج
ما يوم جفت مشاريبه
والبعض من قلة الانتاج
يودي الهرج و يجـيبه
#طارق_الرويشد
———————————
اسهر وازيد السهر باحساس
من قلب مفتون في وصلك
و كثر السهر لو يضر الناس
يامرحبا بالضرر لجلك
#طارق_الرويشد
———————————
ماضي انتهى لا تفكـر فيــه
فكر على الجاي وامشي له
من عاش واقف على ماضيه
ما يوم يوصـــل مواصيــله
#طارق_الرويشد
———————————
من منطلق (للحوار أحكام)
والكل مسؤول عن علمه
ما اقول رأيي عليك إلزام
لكن من الذوق تحترمه
#طارق_الرويشد
ليست هناك تعليقات:
إرسال تعليق