رثاء في زوجتي الغاليه ام ناجي تغمدها الله بواسع رحمته ..
•••
ماابغاك يالدنيا ولا مشتهينك
لو تضحكين اليوم بكرة تبكيّن
الغدرطبعك مختبي في جبينك
من يامنك يمسي بطعن السكاكين
اخذتي ودي غفلةً من عرينك
قطعتي قلب الود حتى الشرايين
قضيت عمري مهتني في سنينك
واليوم كاس الغدر لي تصبين
سم الافاعي شاربه من دفينك
من يامن الغدار يصبح مسيكين
واحظ منهم اصبحو بايعينك
تحزموا بالرب عاشوا على الدين
واللي رحل عن سيرتك خابرينك
توجهو ا لديار فيها البساتين
لدار رب الكون الله يعينك
يانفس ذقتي العسر من بعد ذا اللين
من بعد فرقا الود انا حزينك
انا حزين القلب بعد المودين
في جنة الفردوس مستقبلينك
باذن منهو خالق الناس من طين
تحياتي اللهم اغفر لها وارحمها
----------------
عشت الامل منتشي با الحيل
واليوم ضاعت امانينا
فقدت ودي وذقت الويل
يا الله على الصبر تهدينا
--------------
قالو قمر قلت ما شفته
غاب القمر مع غياب الود
كل شي في خاطري عفته
تغير الحال حيلي هد
-----------
( اللهم اني راضً عنها فارضى عنها)
