اهداء الى اهل الطيب والمعروف


قافي مضريني على فعلة الطيب ====ولا يوم قلت القاف هذي صعيبه


دايم وقافي في  علو المراقيب =====  حلو المجاني مرتفع في عسيبه


يارب يامعبود ياعالم الغيب ===== جمل كلامي في الرجال الحبيبه


ان كان مانوفي رجال المواجيب ===== مصيبةِ ياكبرها من مصيبه


وابدأ بقاف مرتبه بزين ترتيب ==== وانقاه من زود الغلا واعتني به


يثني على عليان شبان مع شيب ====شيخِِ ينومس راس من يعتزي به


وابنه فهد له فالادب حسن تأديب ==== والجود والمعروف له مستجيبه


عبد العزيز ان كان ناديته يجيب ===== واللي تريده بالوفا لك يجيبه


طلال معهم له مكانه وتهذيب ===== اخوانه اللي زينهم من شبيبه


ومحمد اللي مالنا عنه تجنيب ===== في كل ميدانٍ يقود الكتيبه


واخوانهم يشدون عكف المخاليب ==== أحرار لاهدت تصيب الضريبه


هذا كلام الصدق مابه عذاريب ==== من شاعرٍ في القيل أخذ نصيبه


وصلوا على المختار ما حنت النيب ==== نبينا من دون شكٍ وريبه

( تحياتي طلال ناجي الصبحي ) 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


الرد على الشاعر طلال ناجي الصبحي من محمد شميلان




فرايد هجوس المعاني مواكيب ==== الفكر هاض وحثها في نجيبه


أسوقها من هاجسٍ يركب الهِيب==== واليا اقبلت تقبل بعزَِ وهيبه


ماشاب معناها سريب الغثاريب==== قراحها صافي نقى عن سريبه


جزلة على قدر الرجال الشياشيب==== ازفها فوق الثريا الرقيبه


حي المقال اللي لفت به مكاتيب ==== صدق المشاعر فيه ماهي غريبه


من يم ابو ناجي زبون الاصاعيب ==== طلال لصعبت يجيب الطليبه


سلايل قرومٍ تفك النشاشيب ==== اللابة اللي كل طايل تصيبه


ما احتاج عساسٍ ولا احتاج تجريب ==== ياخال خالي والشواهد قريبه


يدوم راسك يا بعيد المخاضيب ==== فيك الوفا فطرة مهي بالجليبه


من طيبكم جتنا الحروف الهناديب ==== على الجزالة بنيها تعتلي به


ماهي غريبة منك يا ذيب ابن ذيب ==== الطيب  في منسبك وانت نسيبه


لك منزلٍ بين الضلوع المحاديب ==== حقٍَ علينا مثلكم نحتفي به


وعسى السحاب اللي مزونه مساكيب ==== يسقي ثرى عودٍ تورثت طيبه


تحياتي طلال ابو ناجي