 |
| الشاعر الخلوق محمد حامد المحياوي . |
الا الخواطر عليك الزام
في كل الاوقات تجبرها
تكسب رضا الواحد العلام
والناس عمرك ما تخسرها
#كسرات_ابو_حامد
#أملج_محمد_المحياوي
&&&&&&&&&&&&&
لو كان عندي وعندك شك
في ود ماضي عليـه سنين
ما كـان قلبي وهبتـه لك
ولا امداك باقي معي للحين
#كسرات_ابو_حامد
#أملج_محمد_المحياوي
&&&&&&&&&&&&&
يامـن غرامـك وصـل لترند
والشوق دايم لكم هشتاق
لا تغيب عني وسيب العنْد
آنا عليكـم قسم أشتاق
#كسرات_ابو_حامد
#أملج_محمد_المحياوي
&&&&&&&&&&&&&
من قال إن الأمور تخف
وتهون وحدة ورى الثاني
في غيبته دمعنا ما كف
ولا غاب ذكره عن لساني
#كسرات_ابو_حامد
#أملج_محمد_المحياوي
&&&&&&&&&&&&&
قليل مثلك وفي نلقاه
وقت الرخاء كان والشده
مجهودكم ياخوي منساه
حتى ولو طالت المده
#كسرات_ابو_حامد
#أملج_محمد_المحياوي
&&&&&&&&&&&&&
لو شفت منظر بحر أملج
ساعة زمن مع غروب الشمس
لكان صدرك بها يثلج
وتعيش ماضي طواه الأمس
#كسرات_ابو_حامد
#أملج_محمد_المحياوي
&&&&&&&&&&&&&
تبغى تجنب عن الأضرار
بأسلوب يبقى هو الأسلم
إعلم بأن البيوت أسرار
وربك اللي بـها أعلـم
#كسرات_ابو_حامد
#أملج_محمد_المحياوي
&&&&&&&&&&&&&
القيل ماهو كـلام وبس
ولاهي حكاوي ضحاويه
احساس ناتج من اللي يحس
ويصيغة بكل عفويه
#كسرات_ابو_حامد
#أملج_محمد_المحياوي
&&&&&&&&&&&&&
مادام عندك عزيمه وروح
لاهداف تبغى توثقها
ابني لها في الوجود صروح
ولا راد ربك تحققها
#كسرات_ابو_حامد
#أملج_محمد_المحياوي
&&&&&&&&&&&&&
إن كان تبغى الكلام الجد
واللي عليه الجميع يقول
ما كل كسرة عليها رد
إلا إذا مشتكى مرسول
#كسرات_ابو_حامد
#أملج_محمد_المحياوي
&&&&&&&&&&&&&
لاصار قولك لهم موزون
والقاف عشرة على عشرة
لا بـد تلقـى بشـر يثنـون
من دون ماتكـرر الكســرة
#كسرات_ابو_حامد
#أملج_محمد_المحياوي
&&&&&&&&&&&&&
بعد انتهاء ظرفنا الحساس
واللي لمسته أنـا منهم
ايقنت إن الوفاء له ناس
ما يغير الوقت معدنهم
#كسرات_ابو_حامد
#أملج_محمد_المحياوي
&&&&&&&&&&&&&
عذب المثل بينكم نقراه
في كل كسره لنا تكتب
من ناس اقسم انا بالله
تاريخهم فالأدب يحسب
#كسرات_ابو_حامد
#أملج_محمد_المحياوي
٠١/ ١١ / ١٤٤٢ هـ
&&&&&&&&&&&&&
مادام فيــها لكــم دبـــره
قــدام لا ينــزل المنشـــور
خلي شويرك رجل خبره
ليكون فيها غصن مكسور
#كسرات_ابو_حامد
#أملج_محمد_المحياوي
&&&&&&&&&&&&&
الكسرة اللي لها تأثير
واللي على الجرح تلقاها
محال تلقى بها تقصير
في نظمها وجل معناها
#كسرات_ابو_حامد
#أملج_محمد_المحياوي
&&&&&&&&&&&&&
لا يغركم منصبك والجاه
وتجور فيما لهم تعطي
اعلــم بــأن الأمــر لله
في كل خطوة لها تخطي
#كسرات_ابو_حامد
#أملج_محمد_المحياوي
&&&&&&&&&&&&&
نفس الشعور الذي عشناه
في موقف اليوم شاهدته
حرك علينا الم ما اقواه
في داخل القلب اخفيته
#كسرات_ابو_حامد
#أملج_محمد_المحياوي
&&&&&&&&&&&&&
ماهو ضروري في يوم العيد
تصافح الكل في يدينك
يكفي وقولي لكم تحديد
تقبل يدين والدينك
#كسرات_ابو_حامد
#أملج_محمد_المحياوي
&&&&&&&&&&&&&
بيني وبينه ثلاث أمتار
بالطول والعمق حسبتها
لكن وحطوا عليها ستار
احجب على العين رؤيتها
في وقت ماينسي واحتار
بالذات لا جات سيرتها
يارب عند النبي المختار
ترفع بفضلك مكانتها
#كسرات_ابو_حامد
#أملج_محمد_المحياوي
٢٣ / ٠٩ / ١٤٤٢ هـ
&&&&&&&&&&&&&
من كان في منطقه حساس
حتى مع الضد ما يخطي
لا بد تثني عليـه الـناس
مردود مُنصف لما يعطي
#كسرات_ابو_حامد
#أملج_محمد_المحياوي
&&&&&&&&&&&&&
الناتج اللي من الافكار
واللي كتبنا علـى شانه
في كل موقع لهم تذكار
يصعب على البال نسيانه
#كسرات_ابو_حامد
#أملج_محمد_المحياوي
&&&&&&&&&&&&&
بالأمـس كنا معه نحماه
عن الخطر بالذي نملك
واليوم تحت الثرى مأواه
في درب حقٌ لها نسلك
#كسرات_ابو_حامد
#أملج_محمد_المحياوي
&&&&&&&&&&&&&
من فضل ربي علينا هل
شهر الفضيله في أحسن حال
واللي بحكمه رحل معتل
عسـاه فـي وَارف الاظــلال
#كسرات_ابو_حامد
#أملج_محمد_المحياوي
&&&&&&&&&&&&&
في منطقه نبرة المشتاق
حتى ولو كان أخفاها
حدك تكلم عن الأشواق
ناظر في عينه وتلقاها
#كسرات_ابو_حامد
#أملج_محمد_المحياوي
&&&&&&&&&&&&&
كان الأمل يوم نلقاهم
إنُـه تحقـق أمانيـنا
لكن وبانت نواياهم
أصل السبب في مآسينا
#كسرات_ابو_حامد
#أملج_محمد_المحياوي
&&&&&&&&&&&&&
كاسين وأبغى عليها كاس
شاهي على الشرط تلقيمه
محكور يعدل مزاج الراس
وتصير جلسة لها قيمه
#كسرات_ابو_حامد
#أملج_محمد_المحياوي
&&&&&&&&&&&&&
بيني وبين الشاعر الكبير والمعلم الفاضل قائد صف املج الاستاذ محمود عزازي العنزي ابو فياض جرت هذه المراسلة بتاريخ ٢٦ / ٠٧ / ١٤٤٢ هـ اليكم بعد التحيه :
جيتك واعدك أنا بيطار
يامروض الحرف بالخبره
اللي كلامه سفيه وعار
ممكن نجاريه فالكسره
#كسرات_ابو_حامد
#أملج_محمد_المحياوي
&&&&&&&&&&&&
جيتك تسوى مدن وديار
يامن لك حروف معتـبره
من كان في منطق الاشرار
لا تعينه أدنى طرف نظره
محمود عزازي أبو فياض
ويصحابنا سامحونا
&&&&&&&&&&&&&
لو يعلم اللي أنا أخفيه
واللي أحسه أنا بجوفي
محال هذا الجفا يبديه
وأقلّها يقـدر ظـروفـي
#كسرات_ابو_حامد
#أملج_محمد_المحياوي
&&&&&&&&&&&&&
بيني وبين الشاعر الكبير والمعلم الفاضل الاستاذ احمد طباخ ابو ناصر اليكم بعد التحيه :
المشكله اللي نواجها
واللي عليها الكـلام الجَّد
كل ما بغينا نعالجها
نلقى المقابل لها بالصَّد
محمد حامد المحياوي
٢٠ / ٠٧ / ١٤٤٢ هـ
&&&&&&&&&&
المشكله لزوم ندرجها
للبحث وانبلِّغ المرصد
يجوز ضدك يأججها
عذول يبغى يطول البعد
احمد طباخ .. ابو ناصر
&&&&&&&&&&
ما كان ودي أروجها
وتوصل مواصل لهذا الحد
لكنه النفس مزعجها
جسر الموده بدأ ينهد
محمد حامد المحياوي
&&&&&&&&&&
احرص على الروح تحرجها
وخلك على ما بقى من ود
دورت لك فـي مخارجـها
ايّاتهـم فــالعـلاج يســد
باسلــوب تابــع مدارجـها
واجعل جميل الصبر مقصد
ومـن ضيق ربك يفرّجـها
اللي مؤلِّف قلـوب الضـد
احمدطباخ .. ابوناصر
ويصحابنا سامحونا
&&&&&&&&&&&&&
لجل المصالح يجونك ناس
في وقتها بس محلاهم
واللي على الطيبه من ساس
في كل الاوقات تلقاهم
#كسرات_ابو_حامد
#أملج_محمد_المحياوي
&&&&&&&&&&&&&
نسيت إني عليك أشتاق
لو غبت عـني ثواني بس
هيا كذا لوعة العشاق
لو كان قلبك في ودي حس
#كسرات_ابو_حامد
#أملج_محمد_المحياوي
&&&&&&&&&&&&&
هذا جزاتي لأني يوم
راعيـت حقـك وداريـتك
تلقي عليا كثير اللوم
ردت فعل عكس ما اعطيتك
#كسرات_ابو_حامد
#أملج_محمد_المحياوي
&&&&&&&&&&&&&
في اول القيل سلمنا
سنه علينا بحكم الدين
ومن بعدها أبغى تعلمنا
قدام وقت المنام يحين
عن حي دايم يعاملنا
باسلوب قاسي وفعل مشين
كيف انصحه قول فهمنا
لجلي اعدك من المفتين
#كسرات_ابو_حامد
#أملج_محمد_المحياوي
٠٩ / ٠٧ / ١٤٤٢ هـ
&&&&&&&&&&&&&
من وحي طرحك تولمنا
يامرحبا نقول للغالين
جاك الخبر واكتبه عنا
للي عليه الامر شاكين
من لايراعي مشاعرنا
والزوم اصبح عليه يبين
لاتنصحه كان تسالنا
والبعد مكسب عن القاسين
#أبو_فياض-محمود عزازي
&&&&&&&&&&&&&
يا مرحبا فيك أملنا
راعي فكر صادق التبيين
من واقع الدرس جربنا
ونبين الأمر بالتقنين
مادام من قسوته تظنا
لاويش تسعى معه باللين
أبعد عنه كان تسمعنا
واشطب سجله من الغالين
علي الشريف - ابو ايمن
&&&&&&&&&&&&&
في سد وجهي أنا لرضيك
لو جاك أدنى خطـاء منا
لكن تبين أنا أوصيك
لا تسيء في حكمك الظنا
#كسرات_ابو_حامد
#أملج_محمد_المحياوي
٠٥ / ٠٨ / ١٤٤٢ هـ
&&&&&&&&&&&&&
لا صرت دايم على ما يود
في كل ما يطلبه منَّا
معقول يقسى وعني يصْد
في وقت في حاجته حنَّا
#كسرات_ابو_حامد
#أملج_محمد_المحياوي
٠٩ / ٠١ / ١٤٤٣ هـ
&&&&&&&&&&&&&
اللي على الطيبه ممشاه
ونهج الوفاء ميزة اطباعه
محال منه الخطأ تلقاه
لو كان في غاية اوجاعه
#كسرات_ابو_حامد
#أملج_محمد_المحياوي
١٢ / ٠١ / ١٤٤٣ هـ
&&&&&&&&&&&&&
مهما قطعنا من الأميـال
لديار صدري بها يثلـج
أظل عايش على آمــال
فالذاكرة إسمها أملــــج
#كسرات_ابو_حامد
#أملج_محمد_المحياوي
١٢ / ٠١ / ١٤٤٣ هـ
&&&&&&&&&&&&&
سيبك من اللي لاجاك يقـول
اسرار منّهُ جلس عنـْـــده
وامشي مع اللي عنه مقيول
مايبيح مهما حصل سْده
#كسرات_ابو_حامد
#أملج_محمد_المحياوي
١٢ / ٠١ / ١٤٤٣ هـ
&&&&&&&&&&&&&
ودي اقولك انا عن شي
في خاطري بس متردد
اني بدونك حياتي زي
طفلاً بلا اُم متنكــــــــد
#كسرات_ابو_حامد
#أملج_محمد_المحياوي
&&&&&&&&&&&&&
