الشاعر الخلوق محمد حامد السناني
بعض من كسراتي
ماكان ذاك العنا مخلوف
اللي بذلته لجل ودي
تنازعتني عليه ظروف
استبسلت كلها ضدي
كم عيد جانا ودعنا
وكم حي عادت عليه جروح
يا عيد خل الفرح معنا
وانته بكيفك تعال وروح
ياقصتي فالغرام فصول
تعبت وانا اشتكي واشرح
خلاص ما ابغى الحوار يطول
ابغى اقفل ستارة المسرح
لو كان هذا الأمر بيدي
ما ابكيك والدمع هليته
ياحلم الأيام باقي شي
لرضاك وانا ماسويته
كنت احسبن المودة احساس
اقلها تخاف تجرحني
ما قلت انك فوسط الناس
تجهز عليه وتذبحني
دورات الأيام تشقينا
أحوالها والذي تخفيه
بالامس جانا يعزينا
واليوم رحنا نعزي فيه
ابغى سلف قلب له سلطان
اقضي غرض فيه وارده
اقطعبه الود مع انسان
تعبت وانا ارتجي وده
يادوب عيني غفت وارتحت
قليل من هم هجرانك
رجعني الحلم لين أصبحت
اشوفك فعز نسيانك
•••
الشاعر علي جمعة
اعداد مااتيه بعيونه
ويطرا على خاطرى وارتاح
واقدر اللي يشوفونه
واكتم علي السر لاينباح
سلام والود مضمونه
يعزف به البلبل الصداح
الود ياصاح ياهونه
والا علي القلب هم وطاح
ابو راضي
إعداد مالناس يهدونه
وما تورق وتنبت الاشياح
ترحيب بالطيب مكنونه
نجمه تعلا وبرقه لاح
الود من يدرك شؤونه
لو زاد فالمبتلين اجراح
ما يضمن الود قانونه
راحه وتبغى تنول أرباح
•••
ابا راضي. الاستاذ/ محمد حامد السناني اليك. يا مجمل الكسرة. استفسار على السريع. والمقصد. بين. لك وواضح. طبعا.
ابغاك لحظة يا ابو راضي
اعطيك واخذ معك في الحال
اللي بنى من زمن ماضي
نزيل بنيه لو انه مال
أبو ذكوان.
حياك شاعرنا الرائع ابوذكوان واليك الرد والمعذرة على القصور.
ان كان ماعود انقاضي
والساس في مركزه مازال
له حق يبنيه ويقاضي
من خطط وشيد الاحمال
وان كان جهده على الفاضي
طاحت معه كامل الامال
يبني بنى فيه معواضي
ويشرف على كامل الاعمال
أبو راضي.
