من عمالقة الكسرة / فيصل رباح الاحمدي 

عيونه الذابلة صابت
واستوقفت فالطريق خطاي

شوف العذاب الذي جابت 
اقفت وكبت معي بلواي

ــــــــــــــــــــــــــــــــــــــــــــــــ

من بعد ذيك الليالي البيض 
اللي فالاذهان ذكراها

اليوم داره في حال تغيظ 
وليفها شد واخلاها 

ــــــــــــــــــــــــــــــــــــــــ

الشاعر الكبير / فايز محمد علي القليطي 

كل ماعدل حالنا ونروق
وننسى غرام الذي نهوى

جرح الهوى فالفؤاد يفوق 
ويردنا فالهوى اقوى 

ــــــــــــــــــــــــــــــــــــــــــــــ

لما ربيع العمر صفر 
وجفت مراوي لنا تسقيه 

لو امطرت دهر ماخضر 
عوده يبس واللحا مخفيه

ـــــــــــــــــــــــــــــــــــــــــ



وقتي معك في جنونه موت 
ماتصدق العين في رؤياك 

وان غبت اسمع انين الصوت 
فالقلب يبكي على فرقاك
ـــــــــــــــــــــــــــــــــــــــــــ
مليان قلبي من الاشواق 
هذاك ودي وودي ذاك 

شوق المحبين ماينطاق 
داره عنا والطريق اشواك 
ــــــــــــــــــــــــــــــــــــــــــــــــــــــــــ

في غربتي موت قبل الموت 
تمضي سنين العمر اشواق

راح العمر في سماع الصوت 
وانا الذي للقا مشتاق 

ـــــــــــــــــــــــــــــــــــــــــــ

باقي نغم من هذاك الصوت 
يطرب مساميع عشاقه 
حتى بعد ماغشاه الموت 
الكل يبكي على فراقه 

الشاعر والاديب الخلوق محمد عليان بن شميلان الصبحي 

بعثرت الاشواق واحلامي 
اللي لي سنين اجمعها 

ونثرتها عمد قدامي  
وانا .. نثرتك حزن معها 

ـــــــــــــــــــــــــــــــــــــــــــــــــــــــــــــ

اشرفت في مرقب النوماس 
مبدا ولا اجوز عن مبداي 

واللي ارتوى من زلال الكا س 
 يسقيه للمرتحل والجاي 

ـــــــــــــــــــــــــــــــــــــــــــــــــــــــــ

اسري على هاجس الاشواق 
والقلب تعصف به اشواقه 

لانه الود للعشاق 
 يستعذ بونه فـ حراقه 

ـــــــــــــــــــــــــــــــــــــــــــــــــــــــــــ

اكبر جريمة فـ حق انسان 
 بين الملا تجرح شعوره 

واشد وابقى من النسيان 
جرح الطفل لحظة سروره 

ـــــــــــــــــــــــــــــــــــــــــــــــــــــــــ

شوف الامل في كفوف الياس 
صامد على قبضته ماهز 

رغم الجفا ما انكسر له باس 
كل ما انتشى عنفوانه زاد 

ـــــــــــــــــــــــــــــــــــــــــــــــــــــــــــــــ

عيون من حزنها نامت 
وعيون تبكي ألم وفراق 

وأرواح من سقمها صامت 
وأرواح تاكل جمر حراق 

ـــــــــــــــــــــــــــــــــــــــ

لا تمدح الا جدير بمدح
ولا تحقر انسان وتذمه 

اعلم ترى الطيب مدح وكدح
ومن يخلفه ضيع القمة 

ـــــــــــــــــــــــــــــــــــ

مرت سنة والمسير أعوام 
توجهتها عز للأمة 

ياعاهل المملكة قدام 
اصعد بها ذروة القمة 

من ابداعات الشاعر انس المحمدي  : 

كل عام فيك الجمال يزيد = ياوجد روح الذي ودك 
لقياك فرحه وشوفك عيد = وحلاوة العيد في خدك 

ـــــــــــــــــــــــــــــــــــــــــــــــــــــــــــــــ

ياهل ترى للهموم قياس = واقيس همي بمقياسه 
والله لاذهل عقول الناس = وابكي قلوب حساسه 
ـــــــــــــــــــــــــــــــــــــــــــــــــــــــــــــــــ

عودي ياحلو الليالي لي = ماعاد لي فالمرارة نفس 
وش جاه وأنا وش اللي في = منهو حجب فالغرا م الشمس 

ــــــــــــــــــــــــــــــــــــــــــــــــــــــــــــــــــــ

مهما شعور الهوى يجبرك = وهواجس الشوق تلعب بك
لا تعبر انسان مايعبرك = ولاتحب لك شخص مايحبك 

من ابداعات الشاعر احمد عواد الصبحي .

1 : يا لاوي القلب بذراعه :

يالاوي القلب بذراعه = من سبتك انجرح كوعي 

كنت احسب الوعد ذا الساعة = والوعد باقي له اسبوعي 

ــــــــــــــــــــــــــــــــــــــــــــــــــــــــــــــــــــ

2 : غرق جدة : 

جدة غريقة يا سباحة = من هو يخرَج لنا الغارق 

والوضع شايع على الساحة = عامين .. مدري وش الفارق 

ـــــــــــــــــــــــــــــــــــــــــــــــــــــــــــــ

3 : العنكبوتة :

يالعنكبوتة .. نسجتي خيط = فيه التوى قلبي النازف 

تاتي المحبة بلا تخطيط = الا على لحنك العازف