قريتي
انا رسمتك حرف مخفيك مخفيك
اخشى عليك اهل الحسد يحسدونك
الاولة انتي عسى الله يخليك
الكون كله مجتمع في عيونك
الام انتي جعل ربي يعافيك
لو عشت كل العمر ما فيه دونك
بديت عمري من الصغر في روابيك
من الطفولة مرتمي في حضونك
انتي حلا كل الحلا في مجانيك
والكل فينا يرتوي من عيونك
اصل السعادة والادب من مباديك
والخير كله منبته في غصونك
كل الشهامة شفتها في اهاليك
اللي سنين العمر هم يسكنونك
واللي رحل عن دنيته من مرابيك
عساه فالفردوس هم يلتقونك
حروف اربع وضحت لي معانيك
بالخير اسمك مقترن يعرفونك
الباء معها الراء هي من اساميك
والكاف معها التاء هم يزهمونك
والمعذرة يا قريتي بيش اكافيك
كل الخلايق بطيبتك يذكرونك
تحياتي أبو ناجي
ليست هناك تعليقات:
إرسال تعليق