من الماضي العتيق 

قمت اتذكر سابق الوقت ليّه
قضيتها ما بين جاهل ومجهول

قضيتها في قهوة العنبريّة
كل ماتذكر قلت ماهو بمعقول 

براد شاهي تسبقه شاذليّة
ما همني غير السعادة على طول

والصحبة اللي تحسب العاقبيّة 
هم خوتي والرب شاهد على القول 

فينا الشقاوة والشقى والاذيّة 
كل ما عملنا فوقتنا كان مقبول 

فينا الشجاعة جنبها المقدرية 
منهو يدوس اطرافنا صار مقتول 

فينا المحبة والولا والحميّة 
ما بيننا فالهرج ناقل ومنقول 

فالواجبة ما عندنا معذريّة 
حبل الاخوة بيننا صار موصول 

عشنا هذاك الوقت عيشة هنيّة 
حتى مشاكلنا لها حل وحلول

راحت حياتي ذيك واليوم ذيّة 
حبل المودة بيننا صار مفتول


ما يضحك المخلوق شر البليّة 
كلاً على الجوال والعقل مشلول 


هذي حياة الناس والعولمية
كنه سواةالسيف لا صار مسلول 

وايام عيد الفطر ولا الضحيّة 
اللي الفرح فيها يجينا على الحول 

ما عاد فيها عندنا قابلية 
حتى الفطور اصبح من الخبز والفول 

يالله يا رحمن رب البرية 
تعدل الحالة بقدرتك وتزول 

تحياتي ابو ناجي