برسل كلامـي للرجـال النواميـس=لللآبـه اللّـي ماحـد(ن)  ينتقدهـا@ 
وابدأ بعدهـا واتعـوذ مـن ابليـس=وبسم الله ابـدأ كلمتـي واعتمدهـا@ 
وبشرح مشاعر خاطري والاحاسيس=ببيات شعر(ن) ابتدي مـن  بعدهـا @ 
بوصيك يا مشاري على العلم وتقيس=العلـم مفتـاح العقـول  وسعدهـا@ 
والعلم حلّـلال الأمـور  الملابيـس=حل الحبـال اللّـي تلـوّت عقدهـا@ 
والجهل لبّاس العقـول  الملاحيـس=والشك طمّـاس العقـول وجهدهـا@ 
وقيس الكلام واحسبـه بالمقاييـس=وابعد عـن اللّـي كلمتـه تنتقدهـا@ 
لا ترتجي اهل اليديـن  المفاليـس=تلقـى التعاسه في حياتـك بعـدهـا@ 
وحشّم كبير السن وابعد عن الهيس=لاتعتقـد دنيـاك تخلـى كبـدهـا@ 
وان كان ودك يا بعيـد  المراميـس=خلّك عزيز النفس نفسـك  تجدهـا@ 
لا تخاوي أهل الوجيـه المعابيـس=ولا تقيّـم العالـم بهيئـة جسدهـا@ 
والهم خلّه بالقلـوب  المحابيـس=والصبر مفتـاح الهمـوم  وجلدهـا@ 
ودنياك لو كـانت عسام و تضاريـس=اصبـر علـى دنيـاك لا تمتقدهـا@ 
والعقل زينـه والتجـارب مقاييـس=ماكـل مـن دوّر لحاجـه وجدهـا@ 
وخل المجالس مشرعه بالمحاميـس=للضيف ولجارك وكل مـن  قصدهـا@ 
واثبت على دينك ولا تطاوع ابليـس=الدين عصمـه والرجـال  بعهدهـا@ 



 الشاعر/( ناصربن مصلح الاحمدي)